Elbasynyń armany aqıqatqa aınaldy - «Aqparattyq resýrs ortalyǵy» QQ dırektory
Ol Elbasy Nazarbaevtyń Qazaqstan táýelsizdiginiń qalyptasýyna úlesi týraly aıtty.
«Táýelsizdik jyldary - ekonomıka, áleýmettik, rýhanı mádenı salada úlken serpilis bolǵan jyldar. Ony kez-kelgen qazaqstandyq azamat júregimen sezindi. Bul reformalar halyqtyń ál-aýqatyna da yqpal etti. Osy ózgeristerdiń sımvoly tuńǵysh Prezıdent ekeni ras. Nursultan Nazarbaev týǵan elin 30 jyl boıy kemeńgerlikpen, danalyqpen, halyqaralyq tájirıbeni eskere otyryp basqardy», - dedi Altynaı Kóbeeva.
Altynaı Kóbeeva onyń azamattyq qoǵamdy qalyptastyrýǵa qosqan úlesi ushan teńiz ekenin aıtty.
«Elbasynyń eńbeginiń arqasynda azamattyq ınstıtýttar qaryshtap damydy. Qazirgi Qazaqstannyń damýyndaǵy ár adamnyń úlesiniń artýy eldiń áleýmettik ekonomıkalyq damýyna ákeldi. Endi bul damýdy eshbir kúsh toqtata almaıdy. Nursultan Nazarbaevtyń búkil álemdegi 30 úzdik eldiń qataryna iliný týraly armany aqıqatqa aınaldy desek te bolady», - dedi ol.
Aıta ketý kerek, Memleket basshysy Nursultan Nazarbaev respýblıkalyq telearnalar arqyly Qazaqstan halqyna arnalǵan málimdemesinde Prezıdenttik ókilettigin toqtatatynyn jarııa etken edi.