Elbasynyń arqasynda Qazaqstannyń dıplomatııalyq bedeli qalyptasty - Pan Da Ýeı
«Kez kelgen eldiń damý joly biregeı. El tizginin qolǵa alǵan ulttyq kóshbasshynyń róli de biregeı bolmaq. Sizderde jaqynda ótken prezıdent saılaýy Elbasynyń danalyǵy men kóregendigi, kásibı sheberligi, el basqarý mashyǵynyń keler býynǵa berý danalyǵyn kórsetedi. Nursultan Nazarbaev naǵyz ult kóshbasshysy retinde halyqqa senimdi ekonomıkalyq baǵdar usyndy. Onyń sátti júzege asýyna qol jetkizdi.
Nazarbaevtyń saıasatkerlik jolynda basty róldi halyqaralyq qatynastarǵa berer edim. Ol Qazaqstannyń dıplomatııalyq kontseptsııasyn qurdy. Kópvektorlyq qaǵıdasymen Nursultan Ábishuly Reseı, Qytaı, Eýrazııalyq odaq, AQSh, Azııa aımaǵy elderimen qarym-qatynas qura bildi. Osynyń arqasynda Qazaqstannyń dıplomatııalyq bedeli paıda boldy. Geostrategııalyq ornalasýy, ekonomıkalyq múmkindigi, saıası mańyzy jaǵynan Qytaı men Qazaqstan - Orta Azııadaǵy mańyzdy saıası oıynshylar.
Qytaıdyń «Bir beldeý - bir jol» baǵdarlamasyn Qazaqstan birinshi bolyp qoldady. Nursultan Nazarbaev osy máselege baılanysty Pekınde ótken forýmǵa eki ret qatysty. Qazaqstandyq «Nurly jol» baǵdarlamasy men «Bir beldeý - bir jol» baǵdarlamasynyń úndestigi qazir jemisin berip jatyr», - deıdi De Ýeı
Eske sala keteıik, búgin Almatyda ótip jatqan «Kemeńgerliktiń 30 jyly» halyqaralyq ǵylymı konferentsııada sóz sóılegen Qasym-Jomart Toqaev Qazaqstan memleketiniń negizin qalaýshy Nursultan Nazarbaevty «egemen eldiń jylnamasyn jazǵan adam» dep atady.
Sondaı-aq, QR Tuńǵysh Prezıdenti Nursultan Nazarbaev óziniń KSRO Úkimetin basqarý týraly usynystan qalaı bas tartqanyn aıtty.
