Elbasynyń arqasynda biz qazir joǵary tehnologııalyq medıtsınalyq kómek alý múmkindigine ıemiz - J. Ospanov
ASTANA. QazAqparat - Elbasy Nursultan Nazarbaevtyń atyna Astana qalasynyń turǵyny Jánibek Ospanovtan hat keldi.
Bul týraly Aqordanyń baspasóz qyzmeti habarlady.
Avtor hatynda 2012 jyly tamyzda Ulttyq ǵylymı kardıohırýrgııa ortalyǵynda ózine donorlyq júrek ornatý otasy jasalǵanyn aıtady.
«Mine, eki jyldan beri donorlyq júrekpen ómir súrip kelemin. Bala tárbıelep, el qatarly ómir súrýdemin. Júrek aýystyrý týraly bes jyl buryn armandaı da almaǵan edim. Densaýlyq saqtaý salasyn damytýǵa Sizdiń tikeleı aralasýyńyzdyń arqasynda biz qazir joǵary tehnologııalyq medıtsınalyq kómek alý múmkindigine ıemiz, buryn ol tek shetelde jáne kóp aqshaǵa jasalatyn», - delingen hatta.
J.Ospanov otandyq medıtsınany damytý úshin jaǵdaı jasalǵanyna rızashylyǵyn bildirip, sonyń arqasynda ómir súrýge ekinshi múmkindik alǵanyn aıtady.
Sońynda avtor jeke óziniń jáne otbasynyń atynan Memleket basshysyna myqty densaýlyq pen baqyt, al barsha Qazaqstan halqyna baq-bereke jáne ıgilik tilegen.
