Elbasynyń ár Joldaýy úlken bir tarıhı oqıǵa - akademık Kópjasar Náribaev
ALMATY. 28 qańtar. QazAqparat /Erlik Erjanuly/ - QR UǴA akademıgi Kópjasar Náribaevtyń aıtýynsha, Elbasy Qazaqstan halqyna arnaǵan dástúrli Joldaýynda áleýmettik salaǵa toqtalǵan kezde alǵashqy aıtqany bilim salasy boldy. Ol kezdeısoq emes.
"Elbasynyń ár Joldaýy úlken bir tarıhı oqıǵa. Búgingi Joldaýynda birinshi - elimizdiń 20 jyl boıy ótken tabystaryn saralap berdi. Ekinshiden, aldymyzda turǵan úlken mindetterdi, elimizdiń ishindegi jáne syrtqy saıasat jónindegi baǵdar-baǵyttardyń bárin anyqtap aıtyp berdi", - deıdi ekonomıka ǵylymynyń doktory Kópjasar Náribaev.
Qazaqtyń Abaı atyndaǵy ulttyq pedagogıkalyq ýnıversıteti rektory keńesshisiniń aıtýynsha, elimizde bilim berý júıesin damytýda kóptegen jumystar jasalyp jatyr. Óıtkeni elimizdiń damýy bilim sapasyna baılanysty. Aldaǵy ýaqytta birqatar oqý oryndaryna ǵylymı- zertteý ýnıversıteti mártebesi berilmek. Bul olardyń ǵylymı áleýetin kóterip, sheteldegi klassıkalyq ýnıversıtetterdiń deńgeıine deıin kóteredi.
"Bilim men ǵylym egiz nárse. Bilim júıesin úzdiksiz jańartyp otyrý kerek. QazUPÝ-dyń ǵylymı-zerteý ýnıversıeti dárejesin ıelenýden úmiti zor. Óıtkeni onyń ǵylymı áleýeti mol. Munda birqatar ǵylymı mektepter qalyptasqan. Ásirese áleýmettik, pedagogıkalyq, psıhologııa ǵylymdary men jańadan qosylǵan ózge de ǵylymı zertteý baǵyttary bar. Basqa jerde kóterilmegen, zerttelmegen máselelerdi kóterip, jańadan qurylyp jatqan qurylymdar da bar", - deıdi akademık Kópjasar Náribaev.
