Elbasynyń antııadrolyq kúresi Nobel syılyǵyna laıyq - Jurynov
«Qazaqstan BUU Qaýipsizdik keńesiniń turaqty emes músheligine qabyldandy. Bul - tarıhı jeńis, elimizdiń oǵan múshelikke saılanýy Elbasymyzdyń halyqaralyq arenadaǵy bedeli men eńbeginiń passıonarlyq tulǵa retinde moıyndalýy degen sóz. Qazirgi ýaqytta «Astana protsesi» degen aıdarmen Sırııadaǵy jaǵdaıǵa baılanysty nátıjeli kelissózder júrip jatyr. Al, Nursultan Ábishulynyń antııadrolyq kúresi adamzatty atom qarýynan qutqarýǵa aparady. Elbasynyń bul ıgi qyzmeti beıbitshilik úshin Nobel syılyǵyna tolyǵymen laıyq», - dedi Murat Jurynov.
Aıta keteıik, búgin, 22 aqpan kúni Abaı atyndaǵy Qazaq memlekettik akademııalyq opera jáne balet teatry ǵımaratynda QR Prezıdenti, QR UǴA akademıgi Nursultan Nazarbaevtyń qatysýymen QR UǴA-nyń 70 jyldyq mereıtoıyna arnalǵan Jalpy jınalystyń salatanatty sessııasy ótip jatyr.
Sessııa jumysyna akademıkter, korrespondent-músheleri, QR UǴA-nyń qurmetti músheleri, joǵary oqý oryndarynyń rektorlary, ǵylymı-zertteý ınstıtýttarynyń dırektorlary, eldiń kórnekti qoǵam jáne mádenıet qaıratkerleri, sheteldik qonaqtar, ǵylym akademııalary prezıdentteri Reseı Federatsııasynan Fortov V.E., Qyrǵyzstannan Erkebaev A.E., Grýzııadan Kvesıtadze G.I., Moldovadan Dýka G.G., Tatarstannan Salahov M.H., Belarýs UǴA Prezıdıýmy Tóraǵasynyń orynbasary Kılın S.ıA., Ýkraına UǴA Vıtse-prezıdenti Koshechko V.G., Ózbekstan ǴA jalpy jáne beıorganıkalyq hımııa Instıtýtynyń dırektory Zakırov B.S., Ázerbaıjan UǴA Tóralqa ákimshiliginiń Ǵylym jáne bilim berý basqarmasynyń bastyǵy Sadygov A., Tájikstan Respýblıkasy ǴA akademıgi M.Ilolov «Elsevier» basqarma tóraǵasy jáne strategııalyq damý jetekshisi, «Relax group» dırektorlar keńesiniń múshesi Iong Sýk Chı, QHR-nyń Almaty qalasy Bas konsýly Chjan Veı jáne t.b. kóptegen delegatsııalar qatysýda.
