Elbasynyń alǵa qoıyp otyrǵan maqsattarynyń biri - adamdardyń qaýipsizdigin qamtamasyz etý
ALMATY. 16 naýryz. QazAqparat /Ádilet Musahaev/ - Elbasynyń alǵa qoıyp otyrǵan maqsattarynyń biri - adamdardyń qaýipsizdigin qamtamasyz etý jáne olardyń turmys jaǵdaıyn joǵary deńgeıge kóterý, osy turǵyda búgingi ótkizilip otyrǵan is-sharanyń mańyzy óte zor.
Sebebi jol erejesin saqtamaý kóptegen adamdardyń ómirine qaıǵy ákep jatady. Bul jaıynda «Nur Otan» HDP-nyń Almaty qalalyq fılıalynyń qoǵamdyq qabyldaý bóliminiń keńes berýshisi Rahııa Kúláshbekova «Jolda qabyldaý» aktsııasy barysynda aıtty.
R. Kúláshbekova atalǵan aýqymdy aktsııany Jol polıtsııasy basqarmasymen birge ekinshi ret uıymdastyryp otyrǵandyǵyn atap ótti. «Bizdiń basty mindetimiz - jurtshylyqqa quqyqtyq keńestik kómek berip, olardyń jol qatynasyna baılanysty kókeıinde júrgen suraqtaryn tyńdap, ol máselelerdiń sheshilýine kómektesý», -deıdi ol.
Sonymen qatar ol, osyǵan deıin ótkizilgen sharalardyń nátıjesinde bir qatar jumystardyń atqarylǵandyǵyn aıtyp ótti. "Ótken sharanyń qorytyndysy boıynsha Altaı yqsham aýdanyndaǵy adamdardyń kólik astyna túsý qaýpi bar jerge baǵdarsham ornattyq. Sonymen qatar kólik apaty jıi oryn alatyn Jarokov pen Qojan kósheleriniń qıylysyna da baǵdarsham ornatýǵa kómektestik", -dep atap ótti óz sózinde R. Kúláshbekova.
