Elbasynyń AQSh-qa sapary boıynsha barlyq kelisimder iske asyrylýy tıis - Ahmetjan Esimov
Іssapar aıasynda «Samuryq-Qazyna» AQ kompanııalar tobynyń ókilderi 7 qujatqa qol qoıdy. Onyń ishinde:
1. «Samuryq-Qazyna» AQ jáne GE Digital International LLC arasyndaǵy Ónerkásiptik ınternet jáne ónerkásiptik derekter taldaýy salasyndaǵy strategııalyq kelisim. Yntymaqtastyq Qordyń bes qorjyndyq kompanııasynda («Qazmunaıgaz» UK» AQ, «Qazaqstan Temir Joly» UK» AQ, «KEGOC» AQ, «Samuryq-Energo» AQ, «Qazatomónerkásip» UAK» AQ) tehnologııalardy «Predix» negizinde qoldanýǵa baǵyttalǵan.
2. Air Astana jáne International Aero Engines (AQSh) arasyndaǵy ózara túsinistik týraly memorandým keleshekte Airbus NEO úlgisindegi áýe kemeleriniń qozǵaltqyshtaryna tehnıkalyq qyzmet kórsetýge kelisimshart jasaý nıetin qarastyrady.
3. Air Astana jáne Air Lease Corporation (AQSh) kompanııasy arasyndaǵy áýe kemelerin jetkizý kelisimshartynda Airbus NEO úlgisindegi 10 áýe kemesiniń operatsııalyq lızıngi qarastyrylady.
4. «QTJ-Júk tasymaly» jáne «Djeneral Elektrık Kazahstan» JShS arasyndaǵy manevrlik teplovozdardy satyp alý sharty manevrlik teplovozdardyń qyzmet etý merzimi boıynsha esepten shyǵarylýyna baılanysty parkti jańartýdy qarastyrady.
5. W.R.Grace, QazMunaıGaz jáne Birikken hımııalyq kompanııa arasynda QR-da katalızatorlardy shyǵaratyn birlesken kásiporyn týraly negizdemelik kelisim jasaldy.
6. «QTJ-Júk tasymaly» jáne GE International Inc arasynda TEP33A magıstraldi jolaýshylar teplovozdaryna servıstik qyzmet kórsetý týraly shartqa, «Qazaqstan temir joly» UK» AQ, John Deere jáne DHL arasynda John Deere kompanııasynyń júkter tasymalyn uıymdastyrý boıynsha kólik-logıstıka salasyndaǵy qyzmetti damytýdaǵy yntymaqtastyq týraly kelisimge qol qoıyldy.
- Barlyq kelisimder jan-jaqty pysyqtalyp, nátıjesinde tolyq júzege asyrylýy tıis, - dep atap ótti qorjyndyq kompanııalardyń jetekshilerimen kezdesý barysynda «Samuryq-Qazyna» AQ Basqarma tóraǵasy Ahmetjan Esimov. - Oǵan ulttyq kompanııalardyń jetekshileri jeke jaýapty bolady».
Sonymen qatar jıynda Qordy odan ári transformatsııalaý máselesi qarastyryldy. «Samuryq-Qazyna» AQ transformatsııalaý, jekeshelendirý jáne qaıta qurylymdaý jónindegi basqarýshy dırektory Nurlan Rahmetov Qordyń negizgi qarjylyq kórsetkishterine toqtaldy. Ol kompanııalar tobynyń kirisi jáne aktıvterdiń quny boıynsha baqylaý tsıfrlary belgilengenin atap ótti.
- Biz taıaýda «Samuryq-Qazyna» AQ qurylymyn ózgerttik. Bul ózgerister tıimdilikti arttyrýǵa baǵyttalǵan jáne bul jumys odan ári jalǵasady. Transformatsııaǵa toqtalsaq, onyń iske qosylǵanyna úsh jyl ýaqyt ótti. Bul rette bizde árbir kezeńdegi ahýal jáne qandaı nátıjege qol jetkizgimiz keletini boıynsha turaqty, anyq jaǵdaı bolýy qajet, - dep túıindedi Ahmetjan Esimov.
Uqsas tapsyrmalar Qordyń barlyq qorjyndyq kompanııalaryna berildi.
