Elbasynyń AQSh-qa resmı sapary týraly vıdeo jarııalandy

ASTANA. Qazaqparat - Aqordanyń baspasóz qyzmeti Feısbýktegi paraqshasynda QR Prezıdenti Nursultan Nazarbaevtyń AQSh-qa resmı sapary týraly vıdeo jarııalady, dep habarlaıdy «QazAqparat» HAA.

Vıdeo «QR Prezıdentiniń AQSh-qa resmı sapary: kezdesýler men kelissózder hronologııasy» degen ataýmen shyqqan. Onda Elbasynyń AQSh-ta ótkizgen kezdesýler men kelissózderinen úzindiler taspalanǵan.  

Eske sala keteıik, Qazaqstan Prezıdenti 16-18 qańtarda Amerıka Qurama Shtattaryna resmı saparmen bardy. Onda Nursultan Nazarbaev AQSh Prezıdenti Donald Tramppen kezdesti. Sondaı-aq AQSh-tyń resmı jáne isker toptar ókilderimen kezdesý ótkizdi. Nátıjesinde quny 7 mıllıard teńgeni quraıtyn  20-dan astam kelisimge qol qoıyldy.

Memleket basshysy sapar aıasynda BUU Qaýipsizdik Keńesiniń otyrysyna qatysty.