Elbasynyń 5 reformasy búgingi syn-qaterlerge laıyqty jaýap - G.Kenjebalına
ASTANA. QazAqparat - Elbasynyń ınstıtýtsıonaldy 5 reformasy búgingi syn-qaterlerge laıyqty jaýap dep bilemin. Bul pikirdi «Jastar» ǵylymı-zertteý ortalyǵy dırektorynyń orynbasary Gúlmıra Kenjebalına bildirdi.
«Menińshe, Elbasy bizge júzege asyrýdy usynyp otyrǵan reforma búgingi kúni týyndap otyrǵan túrli syn-qaterlerge laıyqty ári tabandy jaýap bolmaq. Bul reformalardy júzege asyrýdyń qazirdiń ózinde naqty josparynyń bolýy qýantady», - dedi ol.
Onyń atap ótýinshe, Memleket basshysynyń Jańǵyrtý jónindegi ulttyq komıssııa qurý jónindegi bastamasy atalǵan baǵyttaǵy óte mańyzdy qadam bolmaq.
«Dál osy komıssııa Memleket basshysy atap ótken reformalardy engizýde mańyzdy tetik bolady dep oılaımyn. Jalpy, bizdiń Prezıdenttiń ulyqtaý rásiminde aıtqan sózi árbir qazaqstandyqtyń júrek tórinen oryn aldy», - dedi G.Kenjebalına.
