Elbasynyń 5 ınstıtýtsıonaldy reformalary - aldaǵy jyldardaǵy basty maqsat - qala turǵyny

ASTANA. QazAqparat - Elbasynyń 5 ınstıtýtsıonaldy reformalary aldaǵy jyldardaǵy basty maqsat. Bul pikirdi búgin Astanadaǵy «Qazaq Eli» alańynda ótip jatqan Qazaqstan halqynyń birligi kúni merekesine arnalǵan sharada qala turǵyny Jańyl Qýandyqova bildirdi.

«Men barlyq qazaqstandyqtardy 1 mamyr Qazaqstan halyqtary birligi kúnimen quttyqtaımyn. Elimizde turaqtaǵan beıbitshilik pen kelisimdi saqtaı bileıik. Bul bizdiń basty qundylyǵymyz», - dedi ol.

Sonymen qatar qala turǵyny Qazaqstan halqy Assambleıasynyń bastamasymen ótken kezekten tys Prezıdent saılaýynda azamattarymyzdyń uıymshyldyqpen N.Nazarbaevqa daýys berip, onyń júrgizip otyrǵan saıasatyna qoldaý bildirgenin atap ótti.

«Elbasy ulyqtaý rásiminde Jańǵyrtý jónindegi ulttyq komıssııa qurylatyn atap ótti. Munan bólek, 5 ınstıtýtsıonaldy reformalardyń júzege asyrylatyndyǵyn aıtty. Bul reformalar aldaǵy jyldar ishindegi eń basty maqsat-mindet bolmaq», - dedi Jańyl Qýandyqova.