Elbasynyń 5 bastamasy qoǵamnyń áleýmettik jaǵdaıynyń jaqsara túsýine qýatty serpin beredi - Qazaqstan kásipodaqtar federatsııasy
ASTANA. QazAqparat - Qazaqstannyń kásipodaqtar federatsııasy Memleket basshysy Nursultan Nazarbaevtyń Qazaqstan Respýblıkasy Prezıdentiniń qyzmetine resmı túrde kirisýine baılanysty quttyqtaý joldady.
«Qymbatty Nursultan Ábishuly!
Sizdi Qazaqstan Respýblıkasynyń Prezıdentiniń qyzmetine resmı túrde kiriskenińizben shyn júrekten quttyqtaımyz!
Ulyqtaý rásimindegi sózińizde Siz bes ınstıtýtsıonaldyq reformanyń mańyzy men júzege asyrý qajettiligine basa nazar aýdardyńyz. Qazaqstannyń kásipodaqtar federatsııasy Siz atap ótken bes ınstıtýtsıonaldyq reforma negizinde eldiń ári qaraı damýyn qoldaıdy.
Ulyqtaý rásiminde atap ótkenińizdeı, 5 bastamany júzege asyrý ekonomıkanyń ary qaraı damyp, qoǵamnyń áleýmettik jaǵdaıynyń kóterilýine qýatty serpin beredi. Indýstrııalandyrý - bul ekonomıka quraly ǵana emes, sonymen qatar orta taptyń jáne óńdeý sektory úlesiniń damýynyń mańyzdy faktory.
Indýstrıaldyq jobalardyń júzege asýynyń arqasynda shaǵyn jáne orta kásiporyndar sany artady, qosymsha jumys oryndary ashylady. Shıkizatty óńdeý men jańa tehnologııalardy paıdalanyp, qazaqstandyq eksport óniminiń qataryn keńeıtý mindeti qoıyldy.
Úshinshi ınstıtýtsıonaldyq reforma eldiń agrarlyq sektoryndaǵy qarqyndy ósimdi qarastyrady, dep atalyp ótildi ulyqtaý rásiminde. Jańa keshendi baǵdarlama negizinde transulttyq kompanııalardyń qatysýymen 10 iri qaıta óńdeý jobasy júzege asady.
Búgin barlyq memlekettik organdar, eńbek ujymdary alǵa qoıylǵan tapsyrmalardy oryndaýǵa nazaryn aýdardy. Qazaqstannyń kásipodaqtar federatsııasy árdaıym Sizdiń eldiń turaqty damýyna baǵyttalǵan bastamalaryńyzdy qoldaıdy», delingen quttyqtaýda.
