Elbasyna jurtshylyq tarapynan 2 myńnan astam saýal tústi
ASTANA. Qarashanyń 2-si. QazAqparat /Arman Asqarov/ - Búgin, qarashanyń 2-de Elbasy Nursultan Nazarbaevtyń tikeleı jeli arqyly tildesýine oraı ashylǵan Baılanys ortalyǵyna halyq tarapynan túsken saýaldardyń sany 2,5 myńǵa jýyqtady,
dep habarlaıdy QazAqparat.
Qazaqstandyqtardy jıi mazalaıtyn saýaldardyń birinshi kezeginde elimizdegi turǵyn-úı jáne kommýnaldyq-sharýashylyq máseleleri tur. Astana men Almaty qalalaryndaǵy úleskerler problemasy, jas otbasylarǵa baspana berý jáne memlekettik baǵdarlamanyń oryndalý jaıy boıynsha suraqtar kóptep túsýde. Sondaı-aq halyqty áleýmettik qorǵaý salasynda joǵary oqý oryndaryn bitirgen jas mamandardyń jumyssyzdyq problemasy, zeınetaqy mólsherin belgileý kezinde jiberilgen keleńsizdikter men memlekettik qyzmetshilerdiń jalaqysyn ýaqytynda kóbeıtý máselesi de jıi kóterilýde. Osydan keıin quqyq qorǵaý organdary tarapynan azamattardy zańsyz qýdalaý, sýdıalardyń keleńsiz áreketteri jáne kedenshilerdiń zań buzýshylyqtary týraly ashyq aıtylady.
Esterińizge sala keteıik, qarashanyń 13-i kúni QR Prezıdenti N.Nazarbaev «Qazaqstan», «Habar», «Astana qalalyq teledıdary» telearnalary jáne «Qazaq radıosy» men «Astana radıosy» boıynsha ótetin tikeleı efırde azamattardyń telebaılanys, telefon ınternet jáne SMS habarlamalary arqyly túsken suraqtaryna jaýap beretin bolady. Saýaldardy 555-777 telefon nómirine jáne KCell, Beeline, Neo uıaly baılanysyn paıdalanýshylar úshin 1111 nómirine SMS habarlamalaryn joldaýǵa bolady. Sondaı-aq kókeıdegi suraqtardy vopros@akorda.kz elektrondyq mekenjaıyna jibere alasyz.
«Tikeleı jeli» barysynda Elbasynyń nazaryna ilikpeı qalǵan suraqtarǵa bir aıdyń ishinde tıisti memlekettik organdar jaýap berýge mindetti.
