Elbasyna joǵary jetistikterge qol jetkizýge berilgen múmkindikter úshin alǵys aıtamyn - Dınara Sádýaqasova
ASTANA. QazAqparat - «Jeke adamdardyń emes, barlyq halyqtyń básekege qabilettiligin joǵarylatý arqyly aıtarlyqtaı jetistikterge qol jetkizýge bolady». Bul týraly «Egemen Qazaqstan» gazetinde jarııalanǵan shahmattan álem chempıony, halyqaralyq grossmeıster Dınara Sádýaqasovanyń Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaevtyń «Bolashaqqa baǵdar - rýhanı jańǵyrý» atty maqalasyna oraı bildirgen pikirinde aıtylǵan.
"Qurmetti Nursultan Ábishuly!
Eń aldymen Sizge, súıikti sportpen aınalysýǵa, kásibı órkendeýge jáne joǵary jetistikterge qol jetkizýge berilgen múmkindikterińizge úlken alǵysymdy bildirgim keledi.
«Bolashaqqa baǵdar: rýhanı jańǵyrý» baǵdarlamalyq maqalańyzǵa qatysty, bizdiń elimizdiń damýy men ony álemdegi 30 damyǵan eldiń qataryna qosýǵa baǵyttalǵan Sizdiń barlyq bastamalaryńyzdy qoldaıtyndyǵymdy atap ótkim keledi.
Eldiń jáne ulttyń rýhanı damýy - barlyǵymyzdyń aldymyzda turǵan úlken mindetterdiń biri. Jeke adamdardyń emes, barlyq halyqtyń básekege qabilettiligin joǵarylatý arqyly aıtarlyqtaı jetistikterge qol jetkizýge bolady, sondaı-aq, bul baǵytta da aýqymdy jumys atqarylýda. Ynta, tabandylyq jáne maqsatqa talpynýshylyq bildirgen ár adam joǵary jetistikterge jete alady.
Sonymen qatar, aldaǵy ýaqytta josparlanǵan barlyq jumystar oıdaǵydaı iske asyrylatynyna senimdimin", - dep jazǵan sportshy.
