«Elbasyna tilek» baıqaýynyń úzdik jumystary Aqordaǵa berildi

ASTANA. 28 qarasha. QazAqparat - Qazaqstan Respýblıkasynyń Tuńǵysh Prezıdenti kúni qurmetine Astanada «Elbasyna tilek» balalar shyǵarmashylyǵynyń І qalalyq baıqaýyna arnalǵan kórme uıymdastyrylǵan bolatyn.

Ondaǵy úzdik jumystar Aqordaǵa berildi.  Belgili bolǵanyndaı, osy aptada olar endi  resmı  túrde Tuńǵysh Prezıdent murajaıyna ótkiziledi.  Bul týraly  astana.kz saıtyna Astana qalasynyń ákimdigi málim etti.

Eske salaıyq,  baıqaýǵa Astana qalasy bilim berý uıymdary: balabaqsha tárbıelenýshileri, jalpy bilim beretin mektep oqýshylary, tehnıkalyq jáne kásiptik bilim berý mekemeleri stýdentterinen  400-den astam jumys qabyldandy.  Baıqaý erejesine sáıkes jumystar ártúrli tehnıkada oryndaldy, ıaǵnı, toqyma materıaldarynan, aǵash jáne metaldan óńdelgen kórkemdik jumystar, músindik, qoldanbaly ónerdiń dástúrli emes túrleri, akvarel boıaýymen salynǵan kartınalar, kollaj jumystary boldy.

 Gran-prıdi Ratmıra Klycheva («Pák júrekten» jumysy), Irına Ivanıýkova («Kıiz úı» kollajy), Erasyl Tilektes («Táýelsizdik monýmenti» jumysy), Aqtoty Qoılybaeva («Shańyraq» jumysy) jeńip alǵan bolatyn. .