Elbasyna qazaqstandyqtardan Parlament Májilisi men máslıhattar saılaýynda basym daýysqa ıe bolǵan «Nur Otan» HDP jeńisimen quttyqtaǵan hattar legi tolassyz aǵylýda

Atap aıtqanda,Qazaqstannyń Eńbek Eri, «Taıynsha Astyq» JShS bas dırektory Rýslan Moldabekov óz hatynda: «Asa qurmetti Nursultan Ábishuly, Sizdi keshegi saılaýda «Nur Otan» HDP-nyń basymdyqpen jeńýimen shyn júrekten quttyqtaımyn! El ıgiligi jolyndaǵy eńbegińiz jemisti de jeńisti bola bersin», dep júrekjardy tilegin bildiredi. Al Oral qalasynyń turǵyny Botagóz Davletova januıasy atynan hat joldap, «Sizdiń tapsyrmańyzben salynǵan «Ulttyq ǵylymı Kardıohırýgııa ortalyǵy» júrek qan-tamyrlary aýrýymen aýyratyn adamdarǵa úlken syı dep bilemin. 2011 jyldyń sońynda otaǵasy, zeınetker Ersaıyn Aımaǵambetulyna osy ortalyqta óte kúrdeli operatsııa jasaldy. Osyndaı kúrdeli operatsııalar buryn shetelde jasalsa, qazir óz elimizde, Astanada jasalatynyna qýanyshtymyz», dep jazady. Munaıly aýdanynyń turǵyny Saıyn Qalmaǵanbetov hatynda aýdan turǵyndary ótken Parlamenttik saılaýda biraýyzdan «Nur Otan» partııasyna daýys bergenin atap ótip, óz pikirin: «Sol tańdaýymyz arqyly biz táýelsiz Qazaqstannyń jarqyn bolashaǵy men turaqty damýy úshin daýys berdik» dep túıindeıdi.

 Qazaqstan Prezıdentiniń atyna jazǵan hatynda Máskeý qalasynyń turǵyny Zınaıda Alekseeva balalyq shaǵy Almatyda ótkenin saǵynyshpen eske alady. Almatyda bilip alyp, jumys istep, qazaq halqynyń jomarttyǵy arqasynda qıyndyqty jeńip shyqqanyna toqtalady. Hat ıesi odan ári «Qazir Máskeýde turamyn. Ul men qyz ósirip otyrmyn. Ekinshi Otanymdy árdaıym eske alyp otyramyn. Men Sizdiń tabystaryńyzdy maqtan tutamyn. Sizdiń basshylyǵyńyzben Qazaqstan halqy óz Otanynda jaqsy ómir súrýde. Bul meni qýantady», - deı kelip, Elbasyna zor densaýlyq, tolaıym tabys tilegen.