Elbasyna elimizde barlyq dinderdiń zań aldyndaǵy teńdigin qamtamasyz etkeni úshin alǵysymyzdy bildiremiz - QR Evangelııalyq hrıstıan-haptıster Shirkeýleri Odaǵynyń tóraǵasy F.Tıssen
ASTANA. 8 qarasha. QazAqparat - Memleket basshysy Nursultan Nazarbaevtyń atyna Qazaqstannyń dinı birlestikter ókilderinen hattar áli de kelip túsýde, dep habarlady QR Prezıdentiniń baspasóz qyzmeti.
Qazaqstannyń Katolıktik epıskoptary konferentsııasynyń ókilderi T.Pet, ıA.Kalet, H.Sıerr, A.Shnaıder, V.Gover Memleket basshysynyń Joǵary mártebeli Papa XVI Benedıktiniń ókili kardınal Andjelo Sodanomen kezdesýin alǵys sezimimen eske alatyndaryn aıtady.
«Qazaqstannyń barsha katolıkteri atynan Sizge ózimizdiń qurmetimiz ben rızashylyǵymyzdy jetkizip, sonymen qatar Siz úshin jáne ózimizdiń búkil súıikti Qazaqstanymyz úshin kún saıyn duǵa etetinimizge Sizdi sendirgimiz keledi», - dep jazady hat avtorlary.
Sondaı-aq katolıktik epıskoptar eldiń katolıktik dinı birlestikteri qaıta tirkeý rásiminen tabysty ótkenin atap ótedi.
Qazaqstannyń Evangelııalyq hrıstıan-haptıster Shirkeýleri Odaǵynyń Tóraǵasy F.Tıssen óz hatynda Memleket basshysyna elimizde barlyq dinderdiń zań aldyndaǵy teńdigine bastaǵan beıbitshiliksúıgish saıasaty úshin rızashylyǵyn bildiredi.
Avtor Odaqtyń shirkeýleriniń qaıta tirkeýden ótkenin, munyń Qazaqstanda Evangelııalyq hrıstıan-baptısterdiń resmı moıyndalǵanyn dáleldeıtinin atap ótken.
«Din ustanýdaǵy erkindik saıasatyn jáne búkil eldi basqarýdy júzege asyra berý úshin Sizge Jaratýshy Ieden danalyq pen densaýlyq berýin surap minájet etemiz» delingen hatta.
«Obşına Vechnoe Evangelıe» evangelıe senimindegi hrıstıandar» jergilikti dinı birlestiginiń Pastory S.Serovtyń hatynda «Dinı qyzmet jáne dinı birlestikter týraly» jańa zańnyń memlekettegi dinı qyzmetti azamattardyń bostandyǵyn shektemeı rettep otyrǵany atap ótilgen.
Osyǵan baılanysty avtor bolashaqta óz qyzmetin qoǵamnyń beıbit damýyna úlesin qosa otyryp, zań júzinde jalǵastyrýǵa berilgen múmkindik úshin alǵys aıtady.
