Elbasyna bergen ýáde: ıÝlııa Drobıazko qazaq jigitine turmysqa shyǵyp, bala tárbıeleýde
Sessııa jumysyna Ońtústik Qazaqstan oblysynyń ákimi, oblystyq Qazaqstan halqy Assambleıasynyń tóraǵasy Janseıit Túımebaev, etnomádenı birlestikter tóraǵalary men músheleri, qala-aýdan ákimderi men oblystyq máslıhat depýtattary, zııaly qaýym ókilderi men jastar qatysty.
Aımaq basshysy Qazaqstan halqy Assambleıasynyń HHVI sessııasynda Elbasy Nursultan Nazarbaev júktegen birqatar mindet-maqsattardyń oblysta júzege asyrylý barysyna toqtaldy.
«Búgingi Assambleıa - mıllıondaǵan qazaqstandyqty ortaq maqsatqa jumyldyrǵan, asqaq armanǵa jetelegen, bir múddege toǵystyrǵan alyp kúsh. Adam taǵdyry Otanymen tamyrlas keledi. Elimizdiń gúldengeni árbirimizdiń mereıimiz. Búgingi sessııada Elbasynyń bes áleýmettik bastamasyn oblysta iske asyrylýy saralanady. Bul baıypty bastamalar - áleýmettik memleket qurýdy kózdeıdi. Ol árbirimizge áleýmettik jaýapkershilik júktep, aýyzbirligimizdi odan ári bekemdeýge jeteleıdi. Qazaqstandyqtar Táýelsizdik bergen tolaǵaı tabystarǵa kýá. Osy jyldardaǵy basty jetistigimiz - bıyl 20 jyldyǵy atalyp ótiletin eńseli Elordamyz. Ulystyń uıytqysy, salt-sananyń arqaý ordasy bolyp tanylǵan Ońtústik óńiri de osy kezeń ishinde beldi belesterdi baǵyndyryp, tolaıym tabystarǵa jetti. Altyn qursaqty aımaq turǵyndyrynyń sany táýelsizdik jyldarynda mıllıonǵa artsa, shyraıly Shymkentimiz mıllıondyq belesti baǵyndyrdy»,-dedi oblys ákimi.
Assambleıanyń HHVI sessııasynda kóterilgen «Qazaqtaný» jobasyna qatysty «Tsesnabank» AQ qyzmetkeri jáne qazaq kelini ıÝlııa Drobıazko óz pikirin bildirdi.
«Men, ıÝlııa Drobıazko. Júregim keń-baıtaq qazaq dalasyn Otanym dep biletin orys qyzymyn. Búginde berekeli qazaq otbasynyń tútinin tútetip otyrǵan ınabatty kelin ári 2 balanyń ardaqty anasymyn. 2005 jyly Elbasy Nursultan Nazarbaev oblysqa jasaǵan sapary aıasynda oblys jastarymen júzdesti. Atalǵan jıynda Prezıdenttiń janynda sóz sóıleý qurmetine ıe boldym. Búkil el aldynda Elbasyǵa bolashaqta qazaq jigitine turmysqa shyǵyp, qazaqtyń sanyn kóbeıtýge ýáde berdim. Prezıdenttiń aldynda sóz sóılep, ýáde berý úlken mártebe ári jaýapkershilik bolsa, ony oryndaý men úshin mereıli mindet dep bildim. Mine, búginde sol ýádemde turyp, qazaq jigitine turmysqa shyqtym. Joldasym - qazaq. Balalarym qazaq. Ózim de qazaq bop ketkenmin. Qurmetti Janseıit Qanseıituly, bıylǵy Assambleıanyń jıyrma altynshy sessııasynda ońtústik atynan sóz sóılegen Natalıa Romanova onda birqatar máselelerdi aıtyp, Elbasy aldynda qazaqtaný máselesin kótergen bolatyn. Men ózim bul usynysqa tolyqqandy kelisemin jáne qoldaımyn jáne qazaqtaný boıynsha arnaıy baǵdarlama qabyldansa degen oıym bar»,-dedi ıÝlııa Drobıazko.
Sessııa barysynda oblystyń qoǵamdyq-saıası ómirine belsene qatysyp, qoǵamdyq kelisim men jalpyulttyq birlikti qamtamasyz etý jónindegi memlekettik saıasattyń iske asýyna qosqan eleýli úlesi úshin oblys ákiminiń Alǵys hatymen oblystyq koreı etnomádenı birlestiginiń tóraıymy Roza Pak pen oblystyq grýzın etnomádenı birlestiginiń tóraǵasy Zaal Bochorashvılı marapattaldy.
Elbasy aıqyndaǵan Bes áleýmettik bastamany batyl iske asyrýdy aıtqan oblys ákimi sessııany qorytyndylap, oblystyq basqarmalar men aýdan, qala ákimdikterine birqatar naqty tapsyrmalar júktedi. Sonymen qatar, ákim etnostyq toptar jınaqy turatyn Saıram, Maqtaral, Saryaǵash, Tólebı aýdandary men Túrkistan qalasynda bıznestiń áleýmettik jaýapkershilgi aıasynda «Dostyq» úılerin ashýdy tapsyrdy.
