Elbasyna arnalǵan «Atadan mura» kúıiniń tusaýkeseri ótedi
ASTANA. QazAqparat - 17 naýryz Qazaqstan Respýblıkasynyń Tuńǵysh Prezıdenti Elbasynyń kitaphanasynda 15 jastaǵy kúıshi Ǵalamat Beıseqojaevtyń Memleket basshysyna N.Á. Nazarbaevqa arnaǵan «Atadan mura» kúıiniń tusaýkeseri ótedi, dep habarlaıdy QazAqparat.
Elbasy kitaphanasy taratqan aqparatqa sáıkes, jas daryn «Mahambet», «Abaı tolǵaýy», «Esdáýlet», «Sulýtór», «Qosbasar», «Qordaı», «Jaýynger», «Esdáýlet» ispetti 20-ǵa jýyq kúıdiń avtory. 9 synyp oqýshysy talaı respýblıkalyq baıqaýlardyń júldegeri atanǵan.
Elbasyna arnalǵan jańa týyndynyń tusaýkeserine jas ónerpazdar Ahmet Jubanov atyndaǵy daryndy balalarǵa arnalǵan mektep-ınternatynyń 9 jáne 5 synyp oqýshylary Ǵalamat pen Nuráli Beıseqojaevtar, Ǵ.Ormanov atyndaǵy mektep-gımnazııanyń oqýshylary men ustazdary, kolledj stýdentteri jáne Elbasy kitaphanasynyń qyzmetkerleri qatysady.
Kezdesý barysynda aǵaıyndy Beıseqojaevtarmen suhbat ótedi jáne mýzykalyq qoıylymdar josparlanǵan.
