«Elbasyn ulyqtaý sharasy qasıetti juma kúni ótedi» - respýblıkalyq basylymdarǵa sholý
***
Sarabdal saıasatynyń arqasynda saıası doda aıqyn jeńiske jetken Elbasy Nursultan Neazarbaevtyń atyna memleket, úkimet basshylarynan, halyqaralyq uıymdardyń jetekshilerinen, sondaı-aq elimizdiń barlyq aımaqtarynan saılaýdaǵy jeńisine baılanysty quttyqtaýlarlar legi tolastar emes. Máselen, «Egemen Qazaqstan» gazetiniń beısenbilik nómirinde EQYU-nyń Bas hatshysy Mark Perren de Brıshambonytsń quttyqtaýy «Bul tańdaý Qazaqstan halqynyń Sizge jáne Sizdiń saıasatyńyzǵa degen orasan seniminiń aıǵaǵy» degen taqyryppen berilgen. «Biz Qazaqstan tarabynyń EQYU-ǵa qoldaýyn joǵary baǵalaımyz. Oǵan Sizdiń eldiń ótken jyly EQYU-nyń Tóraǵasy retindegi óte tabysty lıderligi dálel bolyp tabylady. Qazaqstan bizdiń Uıymnyń ómirine jańasha dem jáne onyń jumysyna tyń serpin berdi. Men Qazaqstan alda da EQYU-da belsendi ról atqaratynyna senimdimin», - dep aq tilegin aqtarǵan EQYU-nyń Bas hatshysy.
«Memlekettik hatshy - Syrtqy ister mınıstri Qanat Saýdabaev Lıtva Respýblıkasynyń Syrtqy ister mınıstri - EQYU-nyń Іs basyndaǵy tóraǵasy Aýdronıýs Ajýbalıspen telefon arqyly sóılesti», - dep jazady «Egemen Qazaqstan» gazeti. Basylymnyń atap ótýinshe, A.Ajýbalıs suhbattasyn prezıdenttik saılaýdyń sátti ótýimen quttyqtady. Ol Qazaqstan men EQYU yntymaqtastyǵynyń jemisti bolýynyń mańyzdylyǵyn erekshe atap ótti. Quttyqtaýdy qabyl alǵan Q.Saýdabaev «saılaýdyń ashyq jáne transparentti aýanda ótýi Qazaqstan demokratııasynyń damý jolyndaǵy mańyzdy qadamdy baıqatqany» dep málimdedi.
***
Ortalyq saılaý komıssııasynyń keshegi májilisinde QR Prezıdentin qaıta tirkeý jáne Memleket basshysyn ulyqtaý saltanatyn ótkizý máseleleri talqylandy. Osyǵan oraı «Aıqyn» gazetinde «Elbasyn ulyqtaý sharasy qasıetti juma kúni ótedi» degen taqyryppen maqala jarııalandy. Jıyn barysynda N.Nazarbaevty QR Prezıdenti etip tirkeý, sondaı-aq oǵan QR Prezıdentiniń jańa kýáligi men omyraý belgisin tabys etý týraly qaýly qabyldandy. Basqosý barysynda Elbasyn ulyqtaýdyń naqty kúni belgilengenin jetkizgen OSK hatshysy Baqyt Meldeshov: «2011 jyldyń 3 sáýirinde ótken Qazaqstan Respýblıkasy Prezıdentiniń kezekten tys saılaýynda saılanǵan Qazaqstan Respýblıkasynyń Prezıdenti Nursultan Ábishuly Nazarbaevtyń Ant berý kúni - 2011 jyldyń 8 sáýiri bolyp aıqyndalsyn!», - dedi.
2050 jylǵa qaraı jer turǵyndarynyń sany 9,2 mıllıardqa jetetin kórinedi. Al BUU-nyń esebinshe, 2150 jyly joq degende bul san 12 mıllıardqa jýyqtaıdy. Ǵalymdar: «Jer - Ana munsha adamdy asyraı almaıdy» dep álden dabyl qaǵýda. Sondyqtan «2050 jylǵa qaraı 4 mıllıardtan astam «jatyp isher aramtamaq» surapyl soǵys pen qoldan taratylatyn neshe báleket juqpaly aýrýlardan, jedel ajal qushtyratyn qaýipti keselderden, qoldan jasalatyn asharshylyqtan joıylyp bitýi shart. Saıyp kelgende jer betinde bir mıllıardtaı adam ǵana ómir súrýge quqyly. Bul jaıynda tereńirek bilgińiz kelse, «Aıqyn» gazetindegi «Jarty ǵasyrdan keıin: Jer adamzatty asyraı ala ma?» degen maqalaǵa nazar salyńyz.
***
«Alash aınasy» gazetiniń turaqty «Dat!» aıdarynda Newsweek jýrnalynyń Ortalyq Azııa boıynsha sarapshysy Esedýlla Ogýzben aradaǵy suhbat «Qalaı aıtsaq ta, Qazaqstan - Orta Azııanyń lıderi» degen taqyryppen berilgen. Basylym tilshisiniń barlyq saýldaryna tuşymdy jaýap bergen ol: «Qazaqstanǵa eń alǵash qadam basqan 90-jyldardyń basynda men qazaqtar týraly jaqsy oıda bolmadym. Orystanǵan, ultsyzdanyp ketken bolar dep oıladym. Nemister sııaqty qonaqjaılylyqtan qalǵan, túrleri sýyq bolar degen boljam jasadym. Biraq ta kelip, aralasqannan keıin qazaqtardyń aqjarqyn, dástúrshil, mádenıetti ekendigine kózim jetti. Qazir men Qazaqstandy shetel dep qabyldamaımyn. Ózimniń otanym sııaqty», - dep atap kórsetken.
Keshe Astanada Qazaqstandaǵy jáne Ortalyq Azııadaǵy taý-ken keshenin damytý strategııasy men keleshegin talqylaý maqsatynda «MAINEKS Ortalyq Azııa 2011» taý-ken óndirisi forýmy ótti. Alqaly jıyn arqaý bolǵan maqala «Alash aınasy» gazetinde «Taý-ken salasynyń týar kúni áli alda» degen taqyryppen berildi. Basylymnyń jazýynsha, elimiz 2014 jylǵa qaraı 70 tonnadan astam altyn óndirmek. «Alǵashqy bes jyldyqtaǵy bizdiń maqsat - altyn óndirý kólemin 70 tonnadan asyrý», - depti Úkimet basshysynyń orynbasary, Indýstrııa jáne jańa tehnologııalar mınıstri Áset Isekeshev.
***
«Keshe Qazaqstan Prezıdenti Nursultan Nazarbaev Ázirbaıjan Respýblıkasynyń Prezıdenti Ilham Álıevpen telefon arqyly sóılesti», - dep jazady «Kazahstanskaıa pravda» gazeti. Basylymnyń atap ótýinshe, áńgimelesý barysynda Ilham Álıev Nursultan Nazarbaevty prezıdenttik saılaýdaǵy senimdi jeńisimen quttyqtady. óz kezeginde Memleket basshysy N.Nazarbaev Ázirbaıjan Prezıdentine quttyqtaýy men shyn nıetti tilegi úshin alǵysyn aıtty.
