Elbasymyzdyń bul saılaýda jeńiske jetetinine biz, jastar kámil sendik - Nazarbaev zııatkerlik mektebiniń oqýshysy
ASTANA. 11 sáýir. QazAqparat - Memleket basshysy Nursultan Nazarbaevtyń 3 sáýirde ótken kezekten tys saılaýdaǵy jeńisimen quttyqtaýshylar sany tolastar emes. Osyndaı quttyqtaýlardyń birin Taldyqorǵan qalasy fızıka matematıka baǵytyndaǵy Nazarbaev zııatkerlik mektebiniń oqýshysy Áıgerim Ańsaǵanova da joldapty.
«El tizginin 20 jyldan astam ustaǵan, óziniń atqarǵan eren eńbegimen Qazaqstandy basqa memlekettermen ıyq teńestire alatyn deńgeıge jetkizgen Nursultan Ábishuly Nazarbaev osy saılaýǵa úmitkerlerdiń biri boldy. Memleketimizdiń árbir azamaty saılaýǵa qatysyp, óz tańdaýyn jasady. Bul - bizdiń saıası dárejede sanamyzdyń óskeniniń kepili deýge bolady. Elbasymyzdyń bul saılaýda oza shapqan júırik attaı jeńiske jetetinine biz, jastar kámil sendik. Muzda janǵan alaýdan keıin kók baıraǵymyzdyń kókte jelbireýine, táýelsizdigimizdi álemniń barsha eline pash etýge, júzden astam ult pen ulys ókilderin kıeli qara shańyraqqa biriktirip, tatý, órkenıetti elge aınaldyrýǵa elimizdiń tuńǵysh Prezıdenti bar qajyr-qaıratyn jumsaǵany barshamyzǵa aıan. Tarıhqa kóz júgirter bolsaq, birligi men yntymaǵy jarasqan táýelsiz elimizdiń 20 jyl ishindegi jaǵdaıy kimdi bolsa da qýantary haq. Elbasymyz «El bolashaǵy - jastarda» degen senimmen bilim salasyna óte erekshe kóńil bóldi. Sonyń bir aıshyqty dáleli - joǵary aqparattyq tehnologııalarmen jabdyqtalǵan, jastardyń álemdik deńgeıde bilim alýyna múmkindik beretin, elimizdiń zııaly áleýetin qalyptastyrýǵa úles qosatyn Zııatkerlik mektepteriniń ashylýy. Men alǵa qoıǵan maqsaty aıqyn, bolashaǵy jarqyn osyndaı mekteptiń oqýshysy bolǵanymdy maqtan etemin»,-deıdi Á.Ańsaǵanova.
