Elbasymyz beınelengen jańa banknotty estelik retinde saqtap qoıamyn - Gúlnár Mahan
ASTANA. QazAqparat - QR Ulttyq banki el Táýelsizdiginiń 25 jyldyǵyna jáne Tuńǵysh Prezıdent kúnine oraı Elbasymyz Nursultan Ábishuly Nazarbaevtyń sýreti beınelengen jańa onmyńdyq aqsha belgisin shyǵarady degen súıinshi habardy oqyp, qýandym, deıdi «Jastar álemi - Mır molodejı» gazetiniń tilshi Gúlnár Mahan.
«Estelik banknot 2016 jyly 1 jeltoqsannan bastap aınalymǵa shyǵady eken. Ǵalamtordan on myń teńgeniń jańa úlgisin kórdim, alaıda kók qaǵazdy qolyma ustap, estelik retinde saqtap qoıǵym keledi. Tarıhymyzdan syr shertetin tól teńgemizdiń arǵy betinde «Qazaq eli» monýmentindegi kıeli samuryq qus, «ómir aǵashy» beınelenipti», - dep atap ótti ol.
