Elbasymyz bastaǵan elimizdiń alar asýy mol – Jáńgir han atyndaǵy BQATÝ rektory Q.Bozymov
aýyl sharýashylyǵy ǵylymdarynyń doktory, professor, oblystyq máslıhattyń depýtaty Qazybaı Bozymov óz oı-tolǵamyn bylaısha bildirdi.
Onyń paıymdaýynsha, Nursultan Ábishuly kópten beri adamı kapıtal jóninde aıtyp keledi. Bizdińshe, elimizdiń búkil qazaqstandyqtardyń baǵyna bitken eń basty adamı kapıtal - Elbasymyzdyń ózi, onyń saıası-uıymdastyrýshylyq qabileti, mol tájirıbesi, kóregendigi, qajymas jigeri, iskerligi, tabandylyǵy men tapqyrlyǵy, shet elderdiń kánigi qaıratkerleri men saıasatkerlerin moıyndatqan halyqaralyq bedeli. Mundaı kapıtaldyń búgin-erteń jınala qoımasy anyq.
El halqy Nursultan Ábishulyn qoldaıdy, onyń qolǵa alǵan isterin, barlyq progressıvtik bastamalaryn ózi jalǵastyryp, aıaqtaǵanyn qalaıdy. Óıtkeni elimizde atqarylyp jatqan qyrýar jumystardyń bári halyqtyń turmys-tirshiligin jaqsartýǵa baǵyttalǵan. Sol sebepti qazaqstandyqtar Otanymyzdy búkil álemge tanytqan, tanytyp qana qoımaı, moıyndatqan óz kóshbasshysyn oryndy maqtan tutady. Halyq elimizdegi yntymaq pen qalypty damý faktoryn Elbasynyń dana basshylyǵymen baılanystyrady. Qazaqstandyq qoǵamda myǵym ornaǵan ultaralyq jarasym men dinaralyq tatýlyqtyń arqasynda ótken jyly Táýelsizdik kúnine arnalǵan saltanatty jınalysta Nursultan Ábishulynyń ózi atap kórsetkenindeı, «ulttyq rýhy berik, saıası júıesi turaqty, ekonomıkalyq áleýeti myqty, básekege qabiletti, halyqaralyq bedeli zor qýatty memleket qurdyq».
Q.Bozymovtyń pikirinshe, Nursultan Ábishuly bir eldiń, óz halqynyń ǵana qorǵaýshysy, joqtaýshysy bolyp qoıǵan joq. Az ýaqyttyń ishinde ol sózi dýaly, isi ónegeli búkil álemdik aýqymdaǵy halyqaralyq saıası qaıratkerge aınaldy. Qazaqta «Jeti atasyn bilgen er, jeti jurttyń qamyn jer» degen danalyq sóz bar. Buǵan uly frantsýz jazýshysy Romen Rollannyń: «Naǵyz ulylar - júregi barsha jurt úshin soǵatyndar» degen pikirin qosýǵa ábden bolady.. Nursultan Ábishuly tap sondaı ulylar sanatynan.
Kóripkel sarapshylar, saıasatkerler sanatynan bizdiń Elbasymyzdy Mustafa Kemalmen (Atatúrik), Mahatma Gandımen, Djavaharlal Nerýmen, Sıngapýrdyń ekonomıkasyn dúnıe júzinde birinshi orynǵa shyǵarǵan Lı Kýan ıÝmen, Den Sıao Pınmen salystyryp júr. Túrkııa jurtshylyǵy Nursultan Nazarbaevqa astanasynda eskertkish ornatyp, kóshege atyn berip, «túrki áleminiń kóshbasshysy» dep atady. Munyń bári tekten tek emes. Qyrǵyzstan da, Aýǵanstan da, Grýzııa da, qalasańyz, alpaýyt el Reseı de Nursultan Nazarbaevqa úmit artady.
«Bizder, Óskemendegi respýblıkalyq bastamashy toptyń jıynyna qatysqandar «Egemen Qazaqstan» gazeti» AQ-nyń basshysy Saýytbek Abdrahmanov keltirgen elimizdiń abzal aǵasy Baıken Áshimovtiń Elbasynyń eńbegi týraly aıtqan myna sózin tebirene tyńdadyq: «Eki tizgin, bir shylbyrdy qolyna erkin bergenniń arqasynda, el bastaǵan erimiz dep búkil halyq bolyp sengenniń arqasynda, azamatymyz alǵa aparady dep sońynan ergenniń arqasynda Nursultan Ábishuly eldiń kóshin bir belesten bir beleske bıiktetip alyp bara jatyr. Ana talapty saqtaımyz, myna jerdiń kóńilinen shyǵamyz dep júrip, saıası tartystardy qoldan uıymdastyryp, kósh qarqynyn qoldan kidirtetin... halyqty tekke yryń-jyryń etetin, jasampazdyq isten alańdatatyn qadamdardyń eshqaısysynyń da qajeti joq. Eldiń tizgini Nursultan Ábishuly Nazarbaevtyń qolynda barynsha uzaq bolýy úshin biz qolda bar múmkindikterdiń bárin jasaýymyz kerek. Toqsannan jasy asqan myna maǵan endi eshteńeniń de keregi joq. Tek jurttyń tynyshtyǵy, jerdiń búgindigi, eldiń mereıi kerek. Sonyń bárine halqymyzdy jumyldyratyn, alys asqarlarǵa umtyldyratyn Azamat bizde bar. Nursultan Ábishulynyń bastaýymen bizdiń alar asýlarymyz áli alda. Elbasymyzdyń bergeni kóp, bereri odan da kóp. Endeshe, azamattyń tileýin tileıik». Abyz aǵanyń amanatqa para-par osy sózine biz tolyq qosylamyz» deıdi Q.Bozymov.
Qazaqstannyń tuńǵysh Prezıdenti elimizdiń aldynda turǵan asýlardyń kóptigin «Bolashaqtyń irgesin birge qalaımyz» atty bıylǵy Joldaýynda da atap kórsetti. Ásirese, agrarlyq sektorda etti mal sharýashylyǵyn damytý baǵytynda buryn-sońdy bolyp kórmegen joba júzege asyrylǵaly otyr. 2016 jyly et eksporty 60 myń tonnaǵa jetpek. «Munyń bizdiń ýnıversıtetke tikeleı qatysy bar. Óıtkeni ýnıversıtet ǵalymdary asyl tuqymdy mal sharýashylyǵy máselelerimen kópten aınalysyp keledi. Óńirde qazaqtyń aqbas sıyry, Edilbaı qoıy, Kóshim jylqysy, túıeniń baktrıan túri syndy asyl tuqymdy mal ósirilýde. Oqý ornynyń óziniń de asyl tuqymdy mal sharýashylyǵy, ǵylymı-zertteý ınstıtýty bar. Asyl tuqymdy mal basyn kóbeıtpeıinshe, sharýashylyǵyn ǵylymı negizde jolǵa qoımaıynsha, Elbasy artqan mindetti júzege asyrý qıyn. Qazaqstannyń kórshi Reseıge, basqa da elderge et ónimin shyǵarýǵa múmkindigi mol. Tek kózi men jolyn taba bilý kerek. Sondyqtan bul rette ýnıversıtet ujymy da Prezıdent qoıǵan bıik talaptarǵa sáıkes eńbektenetin bolady», - dep túıindedi oıyn rektor.
