Elbasymen kezdesý áıelderdi shabyttandyra túsedi - depýtat Z.Saıapova
ASTANA. QazAqparat - Elbasymen kezdesý áıelderdi shabyttandyra túsedi. Búgin Aqordada Halyqaralyq áıelder kúnine oraı Memleket basshysy Nursultan Nazarbaevtyń Qazaqstannyń áıelder qaýymy ókilderimen «Kóktem shýaǵy» atty kezdesýine qatysqan Májilis depýtaty Zýhra Saıapova osyndaı pikir bildirdi.
«Nursultan Nazarbaevtyń áıelderdi kóktemniń osynaý shýaqty meıramymen quttyqtaýy kóńilge qýanysh syılaıdy. Qazirgi ýaqytta elimizdiń genderlik saıasaty joǵary deńgeıde ári biz álemdik qoǵamdastyqta joǵary ustanymdamyz. Búgingi kezdesýge qatysqan áıelder ózderiniń bolashaqqa josparlaǵan is-sharalaryn júzege asyrý úshin zor qýat alyp qaıtty dep nyq senimmen aıta alamyn», - dedi ol. Sonymen qatar ol Qazaqstan halqy Assambleıasynyń atynan barsha qazaqstandyq áıelderdi halyqaralyq meırammen quttyqtady.
