Elbasyǵa tikeleı jeli arqyly jurt tarapynan joldanyp jatqan saýaldar kúnnen kúnge artýda
sp;ASTANA. Qarashanyń 12-si. QazAqparat /Jasulan Amanbaıuly/ - Erteń QR Prezıdenti Nursultan Nazarbaevtiń «tikeleı jelide» halyqpen tildesýi ótedi.
Soǵan oraı Elbasyǵa jurt tarapynan joldanyp jatqan saýaldar kúnnen kúnge artýda.
Ázirshe joǵary belsendilikti Astana (3 700) jáne Almaty (2 400) qalalarynyń turǵyndary kórsetýde. Sodan keıin Ońtústik Qazaqstan (2 200) oblysy men Almaty oblystary (2 100) keledi. Call-ortalyq qyzmeti Ázirbaıjan, Ýkraına, Armenııa, Qytaı, Mońǵolııa sııaqty jaqyn shet elderden qońyraýlar arqyly suraqtardy qabyldap jatyr. Saýaldardyń statıstıkasy kórsetip otyrǵandaı, qazaqstandyqtardy halyqty áleýmettik qorǵaý jáne turǵyn úı máseleleri kóp alańdatady eken. Bul máseleler boıynsha tıisinshe 4 900 jáne 4 100 saýal kelgen. Qazirgi ýaqytta Call-ortalyqqa arqyly joldanǵan suraqtar - 13 700. Bul onyń negizgi baılanys quraly bolyp otyrǵandyǵyn kórsetedi. «Tikeleı jeli» saıtyn 8 700 paıdalanýshy qoldandy. Sonymen qatar «tikeleı jeli» arqyly 3 200 SMS suraq kelse, beınesuraqtardyń sany - 24.
Aıta keteıik, erteń qarashanyń 13-i kúni eń tańdaýly jáne jıi joldanatyn saýaldarǵa Elbasy N.Nazarbaev «Habar», «Qazaqstan», «Astana» telekanaldary jáne «Qazaq radıosy», «Shalqar», «Astana», «Habar» radıolary arqyly tikeleı efırde jaýap qaıtaratyn bolady.
Suraqtardy www.line.gov.kz saıty nemese 8 (7172) 555-777 nómirine tegin qońyraý shalý arqyly joldaı alasyz. Sonymen qatar SMS ortalyqqa 1111 nómirine hat jiberýge bolady.
