Elbasyǵa qatysty zańnamany ózgertý Májilistiń kúntártibinde turǵan joq -Ádilet mınıstri
«Tuńǵysh Przıdent týraly zań jaıynda aıtar bolsaq, taǵy da qaıtalaımyn, Qazaqstan Konstıtýtsııasy boıynsha zańnamalyq bastama jasaý quqyǵy úsh sýbektige – Prezıdentke, Úkimetke jáne Parlament depýtattaryna tıesili. Ádilet mınıstrligi memlekettik organ retinde zańnamalyq bastama jasaı almaıdy. Soǵan oraı Tuńǵysh Prezıdent týraly zańnamanyń kúshin joıý nemese ózgertýler engizý týraly Parlamentke usynys engizý quqyǵy joq- dep atap ótti Qanat Mýsın Ortalyq kommýnıkatsııalar qyzmetindegi baspasóz máslıhaty barysynda.
Onyń aıtýynsha atalǵan zańǵa ózgertýler qajettigi Qazaqstan qoǵamynyń pikirin eskere otyryp, qabyldanatyn bolady.
«Ol Májilis depýtattarynyń, sonymen qatar zańnamaǵa bastama jasaı alatyn ózge de sýbektilerdiń ókilettikteri arqyly júzege asyrylýy múmkin. Sondyqtan «zańnamaǵa ózgertýler engizile me?», «qashan engiziledi?» degen saýalǵa jaýap bere almaımyn. Óıtkeni, bul másele Parlament Májilisiniń kúntártibinde turǵan joq. Bolashaq kórsetedi», - dedi mınıstr.
