«Elbasy joly» kınoepopeıasynyń 4-bólimi - «Tyǵyryqtan jol tapqan» fılmi prokatqa shyǵady
Qazaqstan Prezıdenti Nursultan Nazarbaevtyń 1970-shi jyldardaǵy eńbek joly, saıasatqa endi ǵana qadam basqan sáti sýretteletin tartysqa toly fılmniń rejısseri Rústem Ábdirashov.
Qazaqstandyqtar ony eldiń 70-ten astam kınoteatrlarynda kóre alady.
1 jeltoqsanda «Tyǵyryqtan jol tapqan» kınoepopeıasynyń premerasy Astana qalasynda QR Prezıdenti Nursultan Nazarbaevtyń qatysýymen kórsetildi.
Eske sala keteıik, «Elbasy joly» kınoepopeıasy 2011 jyldan beri túsirilip kele jatyr. Bunyń aldynda kınoepopeıaǵa «Balalyq shaǵymnyń aspany» (2011), «Otty ózen» jáne «Temir taý» (2013) fılmderi engen bolatyn. Bul joba tek bizdiń elde ǵana emes, álemniń 20-dan astam elderinde ótken Qazaqstan mádenıeti men kınosy kúnderinde de úlken qoldaýǵa ıe boldy.
«Tyǵyryqtan jol tapqan» fılmin túsirý 2014 jyly aqpan aıynda bastaldy. Kınoǵa qazaqstandyq akterlermen birge Valentın Gaft, Evgenıı Sıdıhın, Vladımır Steklov, Evgenıı Stychkın, Vıktor Sýhorýkov syndy reseılik akterler endi. Elbasynyń beınesin qazaqstandyq akter Nurlan Álimjanov somdady.
Kınolentanyń bıýdjeti 2,5 mln. dollarǵa jýyq qarjyny qurady.
