Elbasy Joldaýynyń negizgi leıtmotıvi - azamattyq beıbitshilikti, turaqtylyqty jáne ultaralyq kelisimdi nyǵaıtý - QR Parlamenti májilisiniń depýtaty O. Dymov
ASTANA. Qańtardyń 29-y. QazAqparat /Jasulan Amanbaıuly/ - Elbasy Joldaýynyń negizgi leıtmotıvi - azamattyq beıbitshilikti, turaqtylyq pen ultaralyq kelisimdi saqtaý jáne nyǵaıtý. Elbasy N. Nazarbaevtiń búgingi halyqqa Joldaýyn talqylaýǵa arnalǵan Qazaqstan halqy Assambleıasynyń keńesi barysynda QR Parlamenti Májilisiniń depýtaty Oleg Dymov osyndaı pikir aıtty,
dep habarlaıdy QazAqparat.
O. Dymov Qazaqstannyń ultaralyq kelisim salasyndaǵy jetistikteri álemdik deńgeıde joǵary baǵalanyp, halyqaralyq uıymdardyń oń kózqarasyna ıe bolyp otyrǵandyǵyn aıta kele, «Qazaqstan EQYU tóraǵasy bolyp saılanýy - halyqtyń ózgeni syılaý, tózimdilik sııaqty erekshe qasıetiniń arqasy» ekendigin atap ótti.
«Sońǵy on jylda kóptegen reformalardy bastadyq, onyń sátti oryndalýyna qol jetkizdik. Endi aldymyzda bolatyn on jyldyq máseleleri men mindetteri anyqtaldy. Alǵashqy bastama bizdi jigerlendiredi. Búgingi aıtylǵan mindetter shynynda aýqymdy kórinedi. Biz barlyq ynta-jigerimizdi osyǵan baǵyttaǵanda ǵana bul mindetter oryndalady», deıdi depýtat.
Bir-eki aptanyń ishinde halyq qalaýlylarynyń aımaqtarǵa, jergilikti jerlerge sapary bastalyp, halyqpen júzdesetin bolady. Assambleıa múshesi, depýtat retinde Oleg Dymov Prezıdent Joldaýynda júktegen mindetterdi árbir turǵynǵa jetkizý óziniń mindeti ekendigin aıtty.
