Elbasy Joldaýyndaǵy shıkizattyq emes salany damytýǵa kúsh salý qajettigi jónindegi mindetter biz úshin óte mańyzdy - Senat depýtatty
ASTANA. Qańtardyń 29-y. QazAqparat /Aıdar Ospanalıev/ -«Prezıdenttiń osy jolǵy Joldaýy aıryqsha jasampaz, mazmundy Joldaý boldy dep aıtýǵa tolyq negiz bar», dedi búgin Parlament Senatynyń depýtaty Qýanysh Sultanov. Bul týraly ol búgin Parlament palatalarynyń birlesken otyrysynan soń Memleket basshysynyń Joldaýyna qatysty buqaralyq aqparat quraldarynyń ókilderine suhbatynda aıtty,
dep habarlaıdy QazAqparat.
Senator Prezıdenttiń óz Joldaýynda elimizde Ǵylym týraly jańa zańnyń qajet ekendigin aıtqanyna toqtalyp ótti. Bul úlken másele. Sonymen qatar, Elbasy óndiris salasyn damytýdy basym baǵyttardyń biri retinde qarastyryp otyr. «Biz alǵashqy onjyldyqta munaıǵa súıenip keldik. Memlekettiń qalyptasýynda ol úlken ról atqardy. Al osy jolǵy Joldaýda Prezıdent shıkizattyq emes salany damytýǵa kúsh salý qajettigin aıtyp otyr. Al shıkizattyq emes sala halyqtyń árbir múshesi qatysyp, úles qosa alatyn sala. Sondyqtan osy baǵyttaǵy jumystarǵa artylar úmit zor», dedi senator.
