Elbasy Joldaýynda ishki týrızm máselesin kóterdi, ol biz úshin mańyzdy - Marat Iǵalı
«Memleket basshysy óz Joldaýynda «Qazaqstandyqtardyń ál-aýqatyn kóterý: tabys pen ómir sapasyn arttyrý» bastamasyn der kezinde qolǵa alyp otyr. Elbasy búgingi kúnniń máselelerin zertteı kele, durys sheshim qabyldaý arqyly óziniń naǵyz strateg ekenin kórsetti», deıdi M.Iǵalı.
Sonymen qatar, Aqmola oblysy ákiminiń orynbasarynyń aıtýynsha, Memleket basshysy elimizde ishki týrızmdi damytýǵa kóńil bólinýi týrıstik óńir úshin mańyzdy bolyp otyr.
«Іshki týrızmdi damytýǵa kóńil bólýi qýantady. Bul irgesinde iri megapolıs Astana ornalasqan Aqmola oblysy úshin mańyzdy. Sondyqtan, biz elordanyń irgesi men Býrabaı kýrorty aýmaǵynda adamdardyń demalýyna jaǵdaı jasaý úshin kúsh salatyn bolamyz», - tolyqtyrdy M.Iǵalı.
Onyń sózine qaraǵanda, búgingi tańda óńirde qazirgi zamańǵy týrızm tujyrymdamasy júzege asyryla bastady. Bul baǵytta bıylǵy jyly Býrabaı kýrortynda biraz sharýa tyńdyryldy. Jaqynda jańa meshit ashyldy, aldaǵy ýaqytta Promenad salý josparda bar.
«Bul jolǵy Joldaý bizderge baǵyt-baǵdar berip, dittegen maqsatqa jetý úshin alǵa qaraı qadam basýǵa serpin beretin bolady. Memleket basshysy ishki týrızm jańa serpilis beredi dep esepteıdi. Bul árıne, óte durys. Jaqynda Qazaqtýrızm men QR Mádenıet jáne sport mınıstrliginiń tapsyrysy boıynsha Qazaqstannyń sulý tabıǵaty týraly beınerolık ázirlenip, ony kórgen adamdar jaqsy qabyldady. Maǵan bul rolık 500 ret joldandy jáne kóbi Qazaqstanda osyndaı jerler baryna tań qaldy. Bizde árıne, ishki týrızmdi damytýǵa áleýetimiz joǵary. Memleket basshysy óziniń Joldaýynda búgingi kúnniń máselelerin ashyp kórsetip, ony sheshýdiń negizgi basymdyqtaryn atady», dep qorytyndylady M.Iǵalı.
