Elbasy Joldaýynda atalyp ótilgen salalar ekonomıkalyq damýdyń negizi bolady
ASTANA. QazAqparat - QR Prezıdenti Nursultan Nazarbaevtyń Joldaýy ekonomıka ǵylymynyń meınstrımin (aǵyl. mainstream negizgi aǵym) pash etedi. Mundaı pikirdi Ortalyq kommýnıkatsııalar qyzmetiniń dırektory Evgenıı Kochetov bildirdi, dep habarlaıdy QazAqparat.
«Joldaýdaǵy mańyzdy messedj ekonomıkany jańǵyrtý qarapaıym mindet emes syn-tegeýirin ekendigin túsindirý bolyp sanalady. ıAǵnı, sońǵy 50 jylda ondaǵan eldiń ekonomıkalyq damýdyń jańa traektorııasyna ótýge umtylǵanymen, biren-sarany ǵana shyǵa alǵanyn kórsetedi», - dedi Evgenıı Kochetov.
Onyń aıtýynsha, ekonomıkany ártaraptandyrýǵa qaraı tek qana jyljý jetkiliksiz. Bul rette naqty neni jáne qalaı ártaraptandyrý qajettigin bilý qajet.
«Bul turǵyda Joldaýda baǵyt-baǵyttar berilip, agroónerkásip kesheni ónimderine, ınfraqurylymdyq damýǵa, tasymaldaýǵa, qurylys pen aqparattyq tehnologııalarǵa basymdyq jasalǵan. Munyń barlyǵy da kásipkerlik belsendilikti yntalandyrý jáne tolyqtaı alǵanda ekonomıkany yryqtandyrý turǵysynda kórinis tapqan», - dedi ol.
Kochetovtyń pikirinshe, bul baǵyttardyń barlyǵyn tıimdi júzege asyrǵan jaǵdaıda olar ekonomıkanyń shynaıy negizine aınala alady.
«Munan bólek, adamı kapıtaldy damytýǵa aıryqsha nazar aýdarylǵan. Al bul eń bastysy. Eger ekonomıkalyq ósimniń kez kelgen tanymal modelin alyp qaraıtyn bolsaq, onda onyń basty faktory adamı kapıtal bolǵandyǵyn baıqaımyz. Adamı kapıtaldy damytý arqyly biz úlken ósimderge túrtki bola alamyz. Osy turǵydan alyp qaraǵanda, Elbasy ekonomıkalyq ǵylymnyń meınstrımin pash etedi», - dedi Ortalyq kommýnıkatsııalar qyzmetiniń basshysy.
