Elbasy Joldaýynan el bolashaǵyn baǵamdaýǵa bolady - Shalataı Myrzahmetov

ShYMKENT. QazAqparat -  Elbasy Nursultan Nazarbaev bıylǵy «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýynda qoǵamdaǵy asa túıtkildi máselelerdi kóterdi. Bul týraly Ońtústik Qazaqstan oblystyq óńirlik kommýnıkatsııalar qyzmetinde ótken brıfıngte qoǵam qaıratkeri Shalataı Myrzahmetov málim etti, dep habarlaıdy QazAqparat tilshisi.

Shalataı Myrzahmetovtiń sózinshe, mańyzdy qujatta ındýstrııa, jańa tehnologııa, tsıfrlandyrý júıesi, logıstıkalyq ınfraqurylym, qarjy sektory, adam kapıtaly, tıimdi memlekettik basqarý, zań ústemdigi syndy 10 baǵyt boıynsha birigip jumys isteý kerektigi baıandalǵan. Qoǵam qaıratkeri Joldaýda aıtylǵan maqsat-mindetterdi júzege asyrýǵa el bolyp atsalysý kerektigin aıtty.

«Memleket basshysy Joldaýda birneshe baǵyttar boıynsha másele kóterdi. Osy atalǵan tapsyrmalar aıasynda jumys istep, mejelerdi oryndasaq, álemdegi damyǵan elderdiń qatarynan kórinetin bolamyz. Elbasy barlyq salada zamanaýı tehnologııalardy, tsıfrly júıeni paıdalaný kerektigin usyndy. Bul zaman talaby. Elbasy Joldaýynan el bolashaǵyn baǵamdaýǵa bolady», - dedi Shalataı Myrzahmetov.

Prezıdent barsha qazaqstandyqtarǵa júktelip otyrǵan mindettiń biri - agroónerkásip keshenin jańa tehnologııalyq deńgeıge kóterý ekenin atap ótti. Bul aýyl sharýashylyǵynda eńbek ónimdiligi men óńdelgen ónim eksportyn túbegeıli arttyrýǵa serpin beredi.

Baspasóz máslıhatyna qatysqan M.Áýezov atyndaǵy OQMÝ prorektory Qanat Baıbolov Ońtústik Qazaqstan oblysy agrarlyq óńir retinde ozyq tehnologııany paıdalanýdy arttyra túsý qajettigin aıtty.

 «Joldaýda Elbasy 10 baǵyt boıynsha jumyla eńbek etý kerektigin tapsyrdy. Sonyń ishinde IT salasy, aýylsharýashylyq mamandyqtaryn daıarlaıtyn joǵary oqý oryndary oqý baǵdarlamalaryn jańartyp, agroónerkásip keshenindegi ozyq bilim men tájirıbeni taratatyn ortalyqqa aınalý kerektigine toqtaldy. Máselen, 2017-2021 jyldarǵa arnalǵan Tsıfrly Qazaqstan baǵdarlamasy aıasynda M.Áýezov atyndaǵy OQMÝ-da IT-ortalyq qurylyp, qazirgi tańda birneshe joba iske asyrylýda», - dedi Qanat Seıitjanuly.