Elbasy Joldaýyn júzege asyrýǵa birige tússek, daǵdarysty eńserý de qıynǵa soqpaıdy - T. Syzdyqov
ASTANA. QazAqparat - Elbasy Joldaýyn júzege asyrýǵa birige tússek, daǵdarysty eńserý de qıynǵa soqpaıdy. Búgin Astanadaǵy Táýelsizdik saraıynda Elbasy Nursultan Nazarbaevtyń Qazaqstan halqyna Joldaýynan keıin Qazaqstan kommýnıstik halyqtyq partııasynyń hatshysy Turǵyn Syzdyqov osyndaı pikir bildirdi.
«Búkil álem daǵdarysta kún keship jatqanda Elbasynyń Joldaýynda osy daǵdarysty eńserýdiń tıimdi joldary qamtylǵany qýantady. Árıne, Qazaqstan daǵdaryspen búgin ǵana betpe-bet kelip otyrǵan el eems. Elbasy aıtpaqshy, Táýelsizdikten beri talaı ret bastan ótti. Endeshe, bul kezekti daǵdarysty eńserý qazaqstan halqyna sonshalyqty qıyndyq týdyrmas. Eń bastysy Prezıdent aıtqanyndaı, bizge birliktiń bekemdigi mańyzdy», - dedi T. Syzdyqov.
Onyń aıtýynsha, barsha qazaqstandyqtardyń myqty bolatyn kezi - aýyzbirshilik bolǵanda ǵana ornaıdy.
«Elbasy Joldaýynda aldaǵy tyǵyryqtan kóp qınalmaı shyǵatyn baǵytty aıqyndap, sol úshin bir jarym saǵat áńgime órbitti. Bul Joldaýdyń basty ereksheligi de sonda. Osyǵan baılanysty Elbasy árbir salada ne atqarylýyn jiktep- anyqtap kórsetip berdi. Endi osyny sapaly oryndasaq, utamyz», - dedi ol.
