Elbasy Joldaýyn júzege asyrý ortaq mindet - Marat Máltekbasov
TALDYQORǴAN. QazAqparat - Elbasymyzdyń halqyna arnaǵan «Qazaqstannyń Úshinshi jańǵyrýy: jahandyq básekege qabilettilik» taqyrybyndaǵy Joldaýy alda atqarylar aýqymdy isterdi júzege asyrýdaǵy mańyzdy qujat ekendigi daýsyz. Mundaı pikirdi Іlııas Jansúgirov atyndaǵy Jetisý memlekettik ýnıversıtetiniń prorektory, oblystyq máslıhattyń depýtaty Marat Máltekbasov bildirdi.
«Elimiz óziniń 25 jyldyq damý kezeńinde tamasha jetistikterge jetip, eren eńbektiń úlgisin kórsete bildi. Qaı salada bolsyn damýdyń, órkenıetke jetýdiń ıgi qadamdary jasaldy. Tabystarymyz ben jetistikterimizdi búkil álem moıyndap jáne joǵary baǵalap, basqalarǵa úlgi tutty. Jas memleketimiz úshin bul úlken mártebe», - deıdi oblystyq máslıhattyń depýtaty.
Onyń aıtýynsha, bilim berý, densaýlyq saqtaý salasynda qol jetkizgen tabystarymyz, el ekonomıkasyn arttyrý jolyndaǵy ıgi bastamalar, qarapaıym halyqqa jasalyp otyrǵan shynaıy qamqorlyq - ilgeri basýymyzdyń kórinisi. Bıyldan bastap Qazaqstannyń Birikken Ulttar Uıymy Qaýipsizdik Keńesiniń múshesi bolýynyń ózi el mereıiniń ósýi dep bilemiz.
«Qazaqstan 2050 jylǵa qaraı álemdegi eń aldyńǵy qatarly 30 memlekettiń qataryna qosylýdy kózdep otyr. «Nurly Jol» ekonomıkalyq saıasatynyń jáne «100 naqty qadam» Ult josparynyń nátıjesinde qıyndyqtardy jeńip, ilgeri basýǵa jol ashylýda. Osyndaı jetistikterge jetýimizge elimizde qalyptasqan ulttar dostyǵynyń, bereke-birliktiń de ıgi yqpalyn tıgizgendigin basa aıtýymyz kerek.
Elimizde ekonomıkalyq ósimdi jáne bıznesti qoldaýǵa, jańa jumys oryndaryn ashýǵa múmkindik jasaldy. Bul halqymyzdyń ál-aýqatyn arttyrýǵa jol ashýda. Álem qarqyndy túrde ózgerip kele jatqan shaqta órkenıet kóshinen qalmaý - ýaqyt talaby. Elbasy óz Joldaýynda: «Bizdiń kóz aldymyzda bolyp jatqan uly ózgerister - ári tarıhı syn-qater, ári Ultqa berilgen múmkindik. Búgin men Qazaqstandy Úshinshi jańǵyrtý jóninde mindet qoıyp otyrmyn. Eldiń jahandyq básekege qabilettiligin qamtamasyz etetin ekonomıkalyq ósimniń jańa modelin qurý qajet. Qazirgi kezde kóptegen elder osyndaı mindetti oryndaýǵa umtylýda. Ósimniń jańa modeline kóshý tásili ár jerde ártúrli ekenine senimdimin», - dep atap kórsetti. Endeshe, Joldaýdyń júzege asýyna úles qosý - ortaq paryzymyz» deıdi Marat Máltekbasov.
