Elbasy Joldaýyn ujym bolyp tyńdadyq - N. Tormanov

Bul Joldaý  bolashaqta eldi kele jatqan dúnıejúzilik tyǵyryqtan shyǵý joldaryn jáne bolashaqta atqarylatyn ındýstrııalyq-ınnovatsııalyq baǵdarlamany basty baǵytqa ala otyryp, strategııalyq damý joldaryn saralap, aıqyndaı kórsetip berdi. Ony Ál-Farabı atyndaǵy Qazaq ulttyq ýnıversıtetiniń  Bıofızıka jáne bıomedıtsına kafedrasynyń professory Nurtaı Tormanov Elbasynyń Parlamenttiń birlesken otyrysynda jarııalaǵan Joldaýynan keıingi áserimen bólisý kezinde aıtty.  

 «Halyqqa joldaýynda elimizdegi jumyssyzdyqty joıý,   árbir otbasyn qoljetimdi baspanamen  qamtamasyz etý, aýyl men selony jandandyrý, tabıǵı resýrstardy tıimdi paıdalaný arqyly shetelderge jalǵa bergen paıdaly qazbalardy  tıimdi paıdalaný syndy basymdy máseleler kóterildi. Árıne,  10 baǵyttyń árqaısysynyń ózindik orny bar. Osy aıtylǵan baǵdarlamalardyń ishinde bizge, ıaǵnı bilim berý salasyndaǵy ujymdarǵa arnalǵan másele, jastarǵa zamanaýı talapqa saı, álemdik básekege tótep bere otyryp, ómirden óziniń mamandyǵy boıynsha ornynan taba alatyn mamandardy daıyndaý boldy. Ol úshin oqý úrdisine bilim jáne tárbıe berýdiń ınnovatsııalyq tehnologııasyn engizý qajet degen másele kóńilimnen shyqty. Búgingi ýnıversıtetimizde ótkizilip jatqan "Bilim berý qyzmetindegi ınnovatsııalyq jáne oqytýdyń sapasyn arttyrý máseleleri" jaıly 42-shi halyqaralyq ǵylymı-ádistemelik konferentsııa búgingi Joldaýǵa sáıkes kelip otyr. Munda  búgin dál osy másele kóterilip edi. Búginde Nazarbaev ýnıversıteti jetistikpen jumys istep jatqan elimizdiń aldyńǵy qatarly oqý ordasyna aınaldy. Nazarbaev ýnıversıtetiniń tájirıbesin basqa da joǵarǵy oqý oryndaryna nasıhattaý, oqý protsesin ındýstrııalyq-ınnovatsııaǵa saı ótkizýdi kórsetip otyr. Ýnıversıtet tájirıbesinen alarymyz kóp dep sanaımyn», - dedi Nurtaı Tormanov.

Ol sondaı-aq,: «Elbasynyń bıylǵy halyqqa joldaýy barlyǵymyzdyń kókeıimizge unady,  sebebi bul el damýynyń bolashaǵyn kórsetetin dańǵyl jol dep úlken senimmen qaraımyn», - dedi.