Elbasy Joldaýyn túsindirý jáne aqparattyq qoldaýda ÚEU 5 negizgi usynysqa basa nazar aýdarýlary kerek - M.Áshimbaev

Bul týraly búgin ÚEU basshylarymen kezdesken QR Prezıdenti Ákimishiligi basshysynyń orynbasary Máýlen Áshimbaev aıtty.

«Biz sizderdiń shyǵarmashylyq turǵydan kelip, jumystyń zamanaýı tıimdi ári jańa qyzyqty ádisterin kórsetkenderińizdi kútemiz. Túsindirý jumystaryn belgi soǵý úshin ótkizbeımiz, kórsetkishter, san qýalaýdyń qajeti joq. Bizge bul is-sharalardyń sapaly qamtamasyz etilgendigi kerek. Sizderden Joldaýdy túsindirý jáne aqparattyq qoldaý boıynsha qyzyqty oılar men kreatıvti ıdeıalar beredi dep kútemiz. Menińshe, sizder buǵan deıin paıdalanylmaǵan qyzyqty tásilder men ádisterdi usyna alasyzdar», dedi ol.

Bul atqarylatyn jumystardyń barlyǵy qoǵamymyzdyń nyǵaıýy úshin istelip jatqandyǵyna toqtalǵan M.Áshimbaev, bul oraıda el halqynyń ómir súrý deńgeıin joǵarlatýda, jalpymemlekettik mindetti júzege asyrý ári aýqymdy ekonomıkalyq maqsattarǵa qol jetkizý úshin azamattardy tartý kerektigin basa aıtty. Bul jumystar 2 baǵytta damýy múmkin. «Jumys barysynda sizder basqa da ÚEU-dardy tartady dep kútemiz. Bizde, Qazaqstanda shamamen turaqty 200 myń adam jumys isteıtin 18 myń ÚEU bar. Olarda volonterlik negizde jarty mıllıonǵa jýyq adam jumys isteıdi. Bul óte baısaldy resýrs, ári belsendi adamdar, sondyqtan biz sizderdiń uıymdaryńyz arqyly olardy memlekettik saıasatty júzege asyrýǵa tartqymyz keledi. Ekinshi jaǵynan, sizderdiń qyzmetterińiz arqyly halyqtyń eń kóp bóligin qamtýdy maqsat tutyp otyrmyz», dedi ol.

Sóz sońynda M.Áshimbaev ÚEU basshylarynyń aldyna qoıyp otyrǵan 5 usynysqa taǵy bir toqtaldy. Olar: kreatıvti kelý, birlesip sheshetin globaldy mindetterdi túsiný ári qoǵamdy nyǵaıtýǵa jáne azamattardy jalpy memlekettik mindetterdi júzege asyrýǵa tartý, ultaralyq kelisimdi jáne turaqtylyqty qamtamasyz etý, ÚEU-lar kómegimen keri baılanysty qamtamasyz etý, memlekettik jáne azamattyq qoǵam ınstıtýttary arasyndaǵy ózara qarym-qatynastyń jańa modelin qurý bolyp tabylady.