Elbasy Joldaýyn túsindirý tobynyń múshesi Almatydaǵy №12-shi emhanada boldy
ALMATY. Qazannyń 6-sy. QazAqparat /Erbol Turymbetov/ - Búgin QR Densaýlyq saqtaý mınıstrligi ákimshilik-quqyqtyq departamentiniń dırektory Faızolla Bısmıldın QR Prezıdentiniń halyqqa Joldaýyn túsindirý maqsatymen Almaty qalalyq №12-shi emhanasynyń qyzmetkerlerimen kezdesti,
dep habarlaıdy QazAqparat.
Basqosýǵa emhana qyzmetkerlerimen birge, Bostandyq aýdany ákiminiń orynbasary Saıat Aǵybaev qatysty. Kezdesý barysynda medıtsına salasyndaǵy sheshimin tappaı jatqan kúrdeli máseleler, ony sheshý joldarynyń Joldaýda qanshalyqty qarastyrylǵandyǵy jóninde talqylaýlar boldy. Sonymen qatar, F. Bısmıldın dárigerlerdiń biryńǵaı ulttyq densaýlyq saqtaý júıesine baılanysty suraqtaryna jaýap berdi.
«Elbasymyz óz Joldaýynda densaýlyq saqtaý salasyna jan-jaqty toqtalǵan. Búgingi tańda elimizdiń medıtsına salasynda elektrondy júıeni engizý máselesi ózekti bolyp otyr. Bul máseleler qazir Úkimette talqylanyp, 2014 jyly Zańǵa densaýlyq saqtaý salasynyń biryńǵaı aqparattyq júıesin kirgizý múmkindikteri qarastyrylýda», dedi F. Bısmıldın.
Faızolla Bısmıldın kelesi kezdesýlerin №17-shi emhana men Bostandyq aýdanyndaǵy «Alaý» balalar sanatorıi qyzmetkerlerimen ótkizedi.
QR Prezıdentiniń halyqqa Joldaýyn túsindirý jumystary jyl saıyn dástúrli túrde 2 ret kúz jáne kóktem aılarynda júrgizilip keledi. Bıyl QR Mádenıet mınıstri Muhtar Qul-Muhammed bastaǵan top Almaty qalasy boıynsha Joldaýdy túsindirý jumystaryn júrgizýde.
