Elbasy Joldaýyn túsindirý tobynyń múshesi Abaı atyndaǵy QazUPÝ stýdentterimen kezdesti
ALMATY. Qazannyń 6-sy. QazAqparat /Erbol Turymbetov/ - Búgin QR Syrtqy ister mınıstrligi Almaty qalasy ókildiginiń basshysy, erekshe tapsyrmalar jónindegi elshisi Baqyt Ospanov QR Prezıdentiniń halyqqa Joldaýyn túsindirý maqsatymen Abaı atyndaǵy QazUPÝ stýdentterimen kezdesti,
dep habarlaıdy QazAqparat.
Jıynǵa stýdenttermen birge, Ulttyq ýnıversıtettiń 1-shi prorektory Múbárak Ermaǵambetov pen Tárbıe jumysy jáne jastar saıasaty basqarmasynyń bastyǵy Janat Ismaılova qatysty. Sharanyń maqsaty stýdent jastarǵa Prezıdent Joldaýyn jan-jaqty túsindirý men olardy tolǵandyrǵan ózekti máselelerdi birlese talqylaý.
«Búginde elimiz EQYU-na basshylyq etip otyr. Sonymen birge, bolashaqta ıntellektýaldy ult qalyptastyrýǵa kúsh salýymyz kerek. Bul úshin stýdentterdiń joǵary sapaly maman bolyp shyǵýy tıis. Osy oraıda Elbasy Joldaýyn olarǵa naqtyly túsindirip, soǵan qatysty kúrdeli máselelerdi birlese talqylaýdyń mańyzy zor dep bilemin», dedi Baqyt Ospanov.
Kezdesý barysynda B. Ospanov Joldaý jóninde baıandama jasap, stýdentterdiń suraqtaryna jaýap berdi.
