Elbasy Joldaýyn tıimdi júzege asyrý úshin áleýmettik jańǵyrýdyń orta jáne uzaq merzimdik baǵdarlamasyn ázirleý kerek - D. Nazarbaeva
ASTANA. 16 mamyr. QazAqparat - Elbasy Joldaýyn tıimdi júzege asyrý úshin áleýmettik jańǵyrýdyń orta merzimdik jáne uzaq merzimdik keshendi baǵdarlamasyn ázirleý kerek.
Búgin QR Parlamenti Májilisiniń jalpy otyrysynda Úkimet basshysynyń atyna saýal joldaǵan depýtat Darıǵa Nazarbaeva osylaı málim etti.
«Elbasynyń aǵymdaǵy jylǵy Joldaýynda qoǵamnyń áleýmettik-ekonomıkalyq jańǵyrý, qýatty áleýmettik memleket qurý baǵdary aıqyndaldy. Soǵan sáıkes, barlyq memlekettik strategııalyq jáne salalyq baǵdarlamalardyń nysanaly maqsaty halyqtyń ál-aýqatyn jaqsartý, árbir qazaqstandyqtyń ómir sapasyn kóteretin standarttarǵa qol jetkizý krıterıılerimen aıqyndalýy tıis bolatyn. Osyǵan oraı, Prezıdent Joldaýyn júzege asyrý úshin áleýmettik jańǵyrýdyń orta merzimdik jáne uzaq merzimdik keshendi baǵdarlamasyn, memlekettiń jańa áleýmettik saıasatynyń «Jol kartasyn» jasaýdy talap etedi», - deıdi depýtat Darıǵa Nazarbaeva.
