Elbasy Joldaýyn talqylady
;ALMATY. Naýryzdyń 4-i. QazAqparat /Erbol Azanbek/ - Búgin Almatyda QR Prezıdentiniń muraǵaty men Sh.Ýálıhanov atyndaǵy tarıh jáne etnologııa ınstıtýtynyń uıymdastyrýymen «Jańa onjyldyq-jańa tarıhı múmindikter» atty dóńgelek ústel ótti,
dep habarlaıdy QazAqparat.
Jıyn barysynda aldaǵy onjyldyqta Elbasy atap ótken jańa múmkindikterdi júzege asyrý, eldiń jańa áleýmettik-ekonomıkalyq damýyndaǵy gýmanıtarlyq ǵylym salasy men ǵylymı qoǵamnyń mindetteri, gýmanıtarlyq bilim salasynyń ózekti máseleleri sóz boldy.Sharaǵa QR Parlamenti Májilisi tóraǵasynyń orynbasary Sergeı Dıachenko qatysyp «Jańa onjyldyq-jańa ekonomıkalyq órleý» atty baıandama jasady.
«Qazaqstan ótken onjyldyqty tabysty ótkere bildi. Sol onjyldyqtaǵy oń saıasattyń nátıjesinde halyq oryn alǵan daǵdarystyń salqynyn sezgen joq. Elbasy bıylǵy jyly óz joldaýynda aldaǵy onjyldyqtyń jańa mindetterin aıqyndap berdi. Bul mindetter ekonomıka, bıznes, áleýmettik sala nemese memlekettik organdarǵa ǵana berilgen tapsyrma emes. Sondyqtan kóp bolyp jumyla júzege asyrǵan jón» dedi óz sózinde Májilis tóraǵasynyń orynbasary.
Jıynǵa bunymen qatar tanymal tarıhshy-ǵalymdar, muraǵattanýshylar qatysyp, Elbasy joldaýynda kórsetilgen mindetterdi júzege asyrýǵa úles qosý máselesin kóterdi. Bunymen qatar otyrysta «Ult birligi» doktrınasy men ultaralyq qatynas týraly da aıtyldy.
