Elbasy Joldaýyn nasıhattaý toby Almatynyń Jetisý aýdanynda boldy
ALMATY. Qazannyń 5-i. QazAqparat /Erbol Azanbek/ - Elbasynyń halyqqa bıylǵy Joldaýyn nasıhattaý, túsindirý maqsatynda QR Ekonomıkalyq damý jáne saýda mınıstrliginiń ekonomıka salalaryn damytý departamenti dırektorynyń mindetin atqarýshy Jumataı Sálimov pen QR Syrtqy ister mınıstrliginiń jaýapty hatshysy Rápil Joshybaev búgin Almatyda birqatar uıymdardyń ókilderimen kezdesti,
dep habarlaıdy QazAqparat.
Aldymen Jumataı Sálimov «Asfaltbeton» JShS ujymymen kezdesti. Sodan keıin «Derbes» JShS ujymynda bolyp, Elbasy Joldaýynda kóterilgen máseleler, olardyń oryndalýy týraly baıandady. Tústen keıin «Kelet» AQ-ynda boldy. Atalǵan úsh kásiporyn elimizdegi eń iri óndirýshi kompanııalar bolyp tabylady. Bularda jalpy alǵanda 3 myńǵa jýyq adam jumys isteıdi. QR EDSM ókili kezdesý barysynda olarǵa Elbasy Joldaýynyń basymdylyqtaryn baıandap, suraqtaryna jaýap berdi.
Úgit-nasıhat tobynyń ekinshi múshesi QR SІM jaýapty hatshysy Rápil Joshybaev aldymen Jetisý aýdany ákimshiliginiń apparaty ujymymen, sodan soń № 148 mektep ujymymen kezdesti. Kezdesý barysynda R. Joshybaev áleýmettik salany qoldaý, zeınetaqy men bıýdjettik mekemeler jalaqysynyń kóterilýi týraly baıandady.
