Elbasy Joldaýyn bir kúnde 7300 qazaqstandyq talqylady
Elimizdegi áleýmettik-ekonomıkalyq tabystyń negizinde - azamattyq tatýlyq, ultaralyq jáne konfessııaaralyq kelisim jatyr, olar basty qundylyǵymyz bolyp qala beredi. Al Qazaqstan halqy Assambleıasy ınstıtýty ornyqty ultaralyq tatýlyqty saqtaý jáne nyǵaıtý boıynsha jumys júrgizýdi jalǵastyrýy qajet.
Sondyqtan da búkil el boıynsha Dostyq úıleriniń bazasynda Assambleıa keńesteri, ǵylymı-sarapshylyq toptar, Qoǵamdyq kelisim, aqsaqaldar, analar keńesteri, QHA jastar qanattarynyń otyrystary, konferentsııalar, dóńgelek ústelder, sarapshylarmen kezdesýler jáne t.b. formattarda is-sharalar bolyp ótti. Bul is-sharalar tek oblys ortalyqtarynda jáne iri qalalarda ǵana emes, sondaı-aq aýdan ortalyqtarynda, kásiporyndar men joǵary oqý oryndarynda da ótti.
Máselen, Almaty qalasyndaǵy Dostyq úıinde, Qazaqstan halqy Assambleıasy Tóraǵasynyń orynbasary Abılfas Hamedovtyń qatysýymen dóńgelek ústel ótkizildi. Dóńgelek ústeldiń jumysyna respýblıkalyq jáne qalalyq etnomádenı birlestikterdiń belsendileri, shyǵarmashyl zııaly qaýym ókilderi men mádenı ortalyqtardyń jastary qatysty. 
El Prezıdentiniń Joldaýyn talqylaýǵa Qazaqstan kúrdteriniń «Barbang» qaýymdastyǵynyń tóraǵasy K.I. Mırzoev, Almaty qalalyq QHA tóraǵasynyń orynbasary K.V. Mamsýrov, Almaty koreıleri ulttyq ortalyǵy tóraǵasynyń orynbasary G.V.Kan, qazaqstandyq orystardyń mádenı ortalyǵynyń tóraǵasy V.A.Lýkashev, Almaty qalalyq QHA ǴST tóraǵasynyń orynbasary S.V.Ananeva, Almaty qalalyq «Ahyska» túrik ortalyǵy tóraǵasynyń orynbasary K.T.Kasımov, Almaty qalalyq máslıhatynyń depýtaty Sh.N.Ýmarov, «Ahyska» túrik ortalyǵy tóraǵasynyń orynbasary Sh.A.Asıev, Almaty qalalyq QHA janyndaǵy Jýrnalıster klýbynyń tóraǵasy O.S. Klımenko qatysty.
Talqylaýǵa qatysqandar men sóz sóılegender Joldaýda Qazaqstan halqynyń aldyna qoıylǵan mindetter - ár qazaqstandyqtyń ál-aýqatyn jaqsartýǵa baǵyttalǵan, ekonomıkalyq ósýdiń jańa modelin qurý, bizdiń jahandyq básekege qabilettiligimizdi qamtamasyz etý ekenin atap kórsetti.
Osy ýaqytta Aqtóbe qalasynda,Qazaqstan halqy Assambleıasy Tóraǵasynyń orynbasary Sergeı Vıshnıaktiń jáne Qazaqstan halqy Assambleıasy músheleriniń, ǵylymı-saraptamalyq top, qoǵamdyq kelisim, analar keńesi, 19 etnomádenı birlestik ókilderiniń, BAQ-tyń qatysýymen oblystyq QHA Keńesiniń keńeıtilgen otyrysy ótti.
«Bul - ornyqtylyqqa baǵyttalǵan baǵyt-baǵdarymyz ózgermeıdi, ol múmkindiktermen, maqsattarǵa qol jetkizý quraldarymen tolyqtyryla túsken, ol osy maqsattardy sheshýdiń, olarǵa qol jetkizýdiń, osy sheshimderdiń atqarylýyna baqylaý jasaý joldaryn, ár qadamdy kórsetedi. Jáne júıe de osyǵan baılanysty tujyrymdalady», - dep atap ótti Sergeı Vıshnıak.
Atyraý, Shyǵys Qazaqstan, Qostanaı jáne basqa da oblystarda is-sharalar oblys ákimi orynbasarynyń, oblystyq QHA músheleriniń, ǵylymı-sarapshylyq toptardyń, Qoǵamdyq kelisim, aqsaqaldar, analar keńesteriniń, Jýrnalıster klýby músheleriniń, EMB tóraǵalarynyń qatysýymen ótkizildi. Olarda aýdandyq mańyzy bar qalalar men aýyldarda ózin-ózi basqarýdyń derbes bıýdjeti men kommýnaldyq menshigin engizý syndy halyqtyń ózekti máselelerin sheshý joldary talqylandy. QHA úshin aýyldyq okrýgter men aýyldar deńgeıinde qurylǵan Qoǵamdyq kelisim keńesteri jergilikti mindetterdi sheshýde jańa múmkindikterge ıe bolatyndyǵy mańyzdy.
Birneshe oblysta (Qaraǵandy, Qyzylorda, Mańǵystaý jáne t.b.) óńirde issaparmen júrgen QR Parlamenti Májilisiniń Assambleıadan saılanǵan depýtattarynyń (S.Abdrahmanov, N.Jumadildaeva, A.Mýradov, Sh.Nýrýmov jáne t.b.) qatysýymen jáne qalalar men aýdandardyń onlaın qosylýymen selektorlyq jıyndar ótkizildi. Olar Joldaýdyń túıindi máselelerine qatysty óz kózqarastaryn bildirip, turǵyn úı qurylysy, bank salasy, bilim berý men áleýmettik salaǵa zamanaýı tehnologııalardy belsendi engizý máseleleriniń mańyzdylyǵyn atap kórsetti. Sondaı-aq biryńǵaı elektrondy eńbek bırjasyn engizýdiń mándiligin, onda bos oryndar men jumys izdep júrgen tulǵalar týraly barlyq aqparat shoǵyrlandyrylýy tıis ekendigin, «Barshaǵa arnalǵan tegin kásiptik-tehnıkalyq bilim berý» jobasyn iske asyrýdyń qoǵamǵa qajettiligin sóz etip, áleýmettik damý máselelerine nazar aýdaryldy.
Elordanyń joǵary oqý oryndary men kásiporyndarynda kóptegen kezdesýler men otyrystar ótti.
Oqýshylar men stýdentter úshin Joldaýdaǵy adam áleýetin damytýǵa qatysty baǵytty talqylaý mańyzdy boldy. Búgingi tańda bilim berý belgili bir nátıjeler men naqty maqsattarǵa qol jetkizýge múmkindik beretin básekege qabiletti, maqsatty memleketti qurýdyń irgetasy bolyp tabylady.
Qazaqstan Respýblıkasy Prezıdenti N.Á.Nazarbaevtyń Qazaqstan halqyna Joldaýy - bul ekonomıkany, saıasatty jáne qoǵamdyq sanany jańǵyrtýdyń aýqymdy jobasy. Sondyqtan stýdentter Elbasy alǵa qoıǵan jańa aýqymdy mindetter elimizde damýdyń jańa sapaly deńgeıine shyǵaratyn jańa múmkindikterge jol ashatynyn senimmen málimdedi.
Biryńǵaı kún sheńberinde ótken Qazaqstan halqy Assambleıasynyń 147 is-sharasyna 7300-den astam adam qatysty.
