Elbasy Joldaýy jastarǵa da jaýapkershilik júkteıdi - jas maman pikiri
ORAL. Aqpannyń 12-si. QazAqparat /Eljan Eraly/ - Elbasy Joldaýy jastarǵa da jaýapkershilik júkteıdi.
Bul týraly BQO-nyń Shyńǵyrlaý aýdany ákimi apparatynyń bas mamany Gúldana Árgenova málim etti, dep habarlaıdy QazAqparat tilshisi.
Onyń aıtýynsha, stýdentter shákirtaqysynyń kóbeıip, «Jastar tájirıbesiniń» aldaǵy ýaqytta da jalǵasatyny - jastar úshin úlken qýanysh. Bul sol jastardyń aıaǵynan tik turyp ketýine septesýimen qatar olardyń elimizdiń áleýmettik-ekonomıkalyq turǵydan ilgerileýine úles qosýyna múmkindik beredi. «HHІ ǵasyr - bilimdi, talantty, álemniń, eldiń jáne óz otbasynyń taǵdyry úshin jaýapkershilikti moınyna ala biletin jastardyń dáýiri ekendigi daý týǵyzbaıtyn aqıqat bolsa kerek. Endeshe, Qazaqstandy damyǵan elder qataryna qosý mindetinen jastar da shet qala almaıdy, qaıta sonyń naq ortasynda bolady», deıdi jas maman.
