Elbasy Joldaýy jańa maqsattarǵa jeteleıtin eń basty qujat - Túımebaev
ShYMKENT. QazAqparat - Ońtústik Qazaqstan oblysynyń ákimi Janseıit Túımebaev búgin jarııalanǵan Elbasynyń Joldaýyn birlese júzege asyrýǵa shaqyrdy, dep habarlaıdy QazAqparat tilshisi.
Joldaýdaǵy árbir on baǵytqa jeke toqtalǵan aımaq basshysy Memleket basshysynyń bul saıası qujaty tórtinshi ónerkásiptik revolıýtsııa álemine beıimdelý men jetistikke jetý jolyn tabý úshin ne isteý qajettigin aıqyndap bergenin aıtty.
«Alǵashqy baǵyt boıynsha óńirde 11 ındýstrııaldy aımaq pen bir arnaıy ekonomıkalyq aımaqtyń áleýetin barynsha tıimdi júzege asyrýymyz kerek. 2017 jyly ındýstrııaldy aımaqty damytýda 9,4 mlrd teńgeni quraıtyn 13 joba júzege asty. Jasyl ekonomıkany damytý aıasynda oblysta júzege asyrylatyn 26 joba endi jańa baǵytta qarqyn alatyn bolady»,- deıdi aımaq basshysy.
Janseıit Túımebaevtyń sózinshe, Joldaýdaǵy úshinshi mindet «Aqyldy tehnologııalar» boıynsha jańa tehnologııalar engizý jumystary júıeli túrde júrgiziledi. Al, Memleket basshysynyń aıtqan tórtinshi baǵyty, ıaǵnı, kólik-logıstıka ınfraqurylymynyń tıimdiligin arttyrý óńirdi kóliktik-logıstıkalyq hab retinde qalyptastyrýǵa jáne Qazaqstannyń aýmaǵy arqyly aınalymdy ulǵaıtýǵa yqpal etedi.
«Qazaqstandyqtardyń eń ózekti áleýmettik problemasy - baspana bolsa, bıyl Ońtústikte 245 kópqabatty turǵyn úıdiń qurylysy júrzilip, onyń 91-i nemese 4 733 páter paıdalanýǵa berildi. Osy jyly taǵy da 100 kópqabatty úı qurylysy bastalady. Damýdyń 10 baǵytyn aıqyndaǵan Elbasy Joldaýy - jańa maqsattarǵa jeteleıtin eń basty qujat bolyp tabylady»,- deıdi Janseıit Qanseıituly.
Óńir basshysy saıası qujatty túsindirý jáne nasıhattaý jumystary boıynsha jelilik keste, medıa-jospar jasaýdy tapsyrdy. Sonymen qatar, ákim barlyq deńgeıdegi ákimder men halyq qalaýlylaryn, ardagerler jáne qoǵamdyq uıymdar men sala belsendilerin halyq arasynda nasıhattaý jumystaryna, negizgi basymdyqtarynyń joǵary deńgeıde júzege asyrylýyna belsendi atsalysýǵa shaqyrdy.
Aıta keteıik, búgin QazaqstanRespýblıkasynyń Prezıdenti Nursultan Nazarbaevtyń Qazaqstan halqyna «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýy jarııalandy.
