Elbasy Joldaýy jańa beleske shyǵý jolyn aıqyndady
«Olaı deıtinimiz, Elbasynyń alysty boljaıtyn qyraǵylyǵymen búkil álem ǵalamdyq qaterlerdiń daýylyna betpe-bet kelip turǵan búgingi tańda tyǵyryqtan shyǵýdyń túrli joldaryn qarastyryp, elimizdiń salıqaly táýekelderge daıyn bolýy, qazirgi álemdik saıası jáne geosaıası jaǵdaı ýshyǵyp turǵan shaqta árbir qazaqstandyqtyń kókeıindegi alańdaýshylyqtyń aldyn alý- zańdy qubylys. Búkil álem jurtshylyǵy ekonomıkalyq jáne saıası qıyndyqtardan shyǵýdyń tetikterin qarastyrýda. Daǵdarys salqyny bizdiń elimizdi de aınalyp ótpeıtindigi aıqyn»,- dedi ol.
Onyń atap ótýinshe, jurtshylyqty tolǵandyrǵan suraqtarǵa jan-jaqty jaýap berilip, ony qalaı toıtarýdyń baǵyty tııanaqty qarastyrylyp, Elbasy usynysymen taıaý jyldardaǵy jahandyq synaqtardy eńserýdiń 5 naqty baǵyty aıqyndaldy. Іs-sharalar jospary, ony júzege asyrý barysyndaǵy jumsalatyn qarjy kózderiniń kórsetilýi halyqtyń rýhyn kóterip, senimin turaqtandyrdy. «Táýelsizdik shejiresin paraqtasaq, kúıregen keńestik ımperııanyń ornyna jańa memleket qurý bizdiń elimizge ońaıǵa túsken joq. Turalap qalǵan ekonomıkany qaıta qalpyna keltirý, ony jańasha damý jolyna túsirý - taqyr jerden taý turǵyzýmen para-par edi», - dedi A.Qaıypbaeva.
Ol óz sózinde Joldaýda áleýmettik salalardyń qamtylǵanyn, ásirese Qazaqstan jurtshylyǵyn jumyspen qamtý máselesi nazardan tys qalmaı, erekshe mańyz berilgenin basa aıtty. Óıtkeni, árbir memlekettiń ekonomıkasy men kúsh-qýaty halyqtyń jumyspen qamtylý deńgeıine, eńbekaqynyń laıyqtyǵyna jáne taǵy da basqa faktorlarǵa tikeleı baılanysty ekenin atap ótti. Osy oraıda, Elbasy Úkimetke jańadan "Jumyspen qamtýdyń" jol kartasyn ázirleýdi usynǵan aıta kele bul máseleniń Úkimetke tapsyrylyp, naqtylanýy kóńilge medeý uıalatqanyn aıryqsha atady.
Osylardy da Joldaýdyń erekshe utymdy qyry dep sanaımyz. El ıgiligi úshin "Ulttyq qordyń" qurylýy da osyndaı daǵdarystyń aldyn alýdyń aıqyn dáleli boldy emes pe? Kóńilimizge erekshe áser etkeni 2017 jyldan bastap elimizde jalpyǵa birdeı tegin kásiptik bilim berý isiniń qolǵa alynatyndyǵy. Bul elimiz úshin bir jańa beles dep oılaımyz. Bul degenimiz elimizdiń jastary úshin de bolashaqta tyǵyryqtan shyǵar jol taýyp ketýine yqpal etetin, al elimiz úshin jańa múmkindikterdi ashatyn jaǵymdy shara dep túsinemiz. Sonymen qatar, Joldaýda baıandalǵandaı bilim berý salasyna qoldaý berilip, endigi jyldyń 1 qańtarynan bastap shákirtaqy ortasha alǵanda 30 paıyzǵa deıin, bilim salasynda qyzmet atqaratyn ustazdardyń jalaqysy 29 paıyzǵa ósetindigi de júrekke jylý uıalatatyn qýanarlyq jaǵdaı»,- dedi kafedra meńgerýshisi.
Sondaı-aq, ol Elbasynyń Joldaý barysynda aıtqan únemshildik jónindegi usynymdary da óte oryndy dep sanaıtyndyǵyn bildirdi.
«Qaltaly azamattardyń shetelge alyp ketken aqshalarynyń qaıtarylatyn mezgili jetkendigin túsinetin túısikke jetkizip aıtqandyǵy da óte oryndy dep sanaımyz. Halyq danalyǵynda «tyqqanyń joǵalady, bergeniń oralady» degen sóz bar. Osyny eskerip, syrtqa qarjysyn asyrýshylar raıynan qaıtyp, elimizdiń óndiristik damýyna, áleýmettik-ekonomıkalyq jaǵdaıynyń ósýine qoldaý beretin, ózine de eline de paıdasyn tıgizetin qaltaly azamattar qatary kóbeıedi dep úmittenemiz. Osyny búgingi jastar durys túsinedi jáne keleshektegi ózindik oılaryn osy baǵytta júzege asyrady dep oılaımyz. Birligi bekem, damýy alǵa aryndaǵan Qazaq memlekettik qyzdar pedagogıkalyq ýnıversıtetiniń ujymy Elbasy usynǵan nurly bolashaq jolynda abyroıly mindetterdi jumyla kótererine, maqsatymyzǵa jetýge óz úlesterin qosatyndyǵyna kámil senemiz»,- dep túıindedi oıyn A.Qaıypbaeva.
