Elbasy Joldaýy jańa baǵyttardy aıqyndap berdi - Qalmuhamet Dóńsebaev
TALDYQORǴAN. QazAqparat - «Qazaqstannyń Úshinshi jańǵyrýy: jahandyq básekege qabilettilik» dep atalatyn mańyzdy qujat el ekonomıkasyndaǵy jańa baǵyt-baǵdarlardy aıqyndap berdi.
Endi ony nátıjeli júzege asyrý negizgi mindet sanalady. «Jetisý» avıakompanııasy» AQ prezıdenti Qalmuhamet Dóńsebaev osyndaı pikirin bildirdi.
«Memleket basshysy óziniń Joldaýynda el ekonomıkasyn damytý baǵytyndaǵy Qazaqstannyń birinshi, ekinshi jańǵyrýy jolynda júzege asyrylǵan jumystar men qol jetkizgen tyń tabystarymyzdy tizbekteı kelip, tabysty ótken osy jańǵyrýlar arqyly baǵa jetpes tájirıbe jınaqtap, úshinshi jańǵyrýdy bastaýǵa tıis ekenimizdi atap ótti.
Osyǵan baılanysty Prezıdent: «Bul jańǵyrý - qazirgi jahandyq syn-qaterlermen kúres jospary emes, bolashaqqa, «Qazaqstan -2050» strategııasy maqsattaryna bastaıtyn senimdi kópir bolmaq. Ol Ult jospary - «100 naqty qadam» bazasynda ótkiziledi», - dedi.
Joldaýdyń alǵashqy baǵytynda ekonomıka salalaryn jappaı sandyq modelge kóshirý kózdelgen. Osy rette Elbasy Úkimetke «Tsıfrlyq Qazaqstan» degen ataýmen jańa baǵdarlama ázirleýdi jáne qabyldaýdy tapsyrdy. Ónerkásip, agroónerkásiptik keshen, kólik, logıstıka, qurylys sektory men basqa da salalardaǵy eńbek ónimdiligin arttyrýǵa basa mán berildi. Jańa eýrazııalyq logıstıkalyq ınfraqurylymdy damytý - mańyzdy basymdyqtardyń biri. Osylaı degen Memleket basshysy Úkimetke 2020 jylǵa deıin tranzıttik áleýetti arttyrýdy júktedi. Máselen, konteınerlik jáne áýe kóligimen jolaýshylar tasymalyn eseleý arqyly odan túsetin paıdany tórt mıllıard dollarǵa deıin jetkizý mindetteldi. El damýyna serpin beretin mańyzdy qujat bolashaqqa senim uıalatyp, tyń bastamalardy júzege asyrýǵa jeteleıdi», - dedi Qalmuhamet Dóńsebaev.
