Elbasy Joldaýy taǵy bir túlep, taǵy bir jańǵyrý joly - Qystaýbaev
TALDYQORǴAN. QazAqparat - Joldaý taqyrybynyń «Qazaqstannyń Úshinshi jańǵyrýy: jahandyq básekege qabilettilik» dep atalýynyń ózi tegin emes.
ıAǵnı, bul - taǵy bir túlep, taǵy bir jańǵyrý joly. Sol arqyly Táýelsiz Qazaqstannyń dańqyn asyryp, halqyn shyn mánindegi Máńgilik Eldiń ýaıymsyz, qamsyz turǵynyna aınaldyrýdyń kelesi bir sátti qadamy deýge bolady. Mundaı pikirdi Almaty oblysyndaǵy Balqash aýdanynyń Qurmetti azamaty, «Birlik» agrofırmasynyń bas dırektory Ábdijappar Qystaýbaev bildirdi.
«Búginde respýblıkamyzdyń ekonomıkalyq áleýetiniń barynsha artyp, halyq turmysynyń kún sanap jaqsaryp kele jatqany barshaǵa aıan. Osy rette biz el erteńiniń budan da nurly, budan da jarqyn bolatynyn aıryqsha atap ótkimiz keledi. Biz bul aqıqatqa Memleket basshysy Nursultan Nazarbaevtyń Qazaqstan halqyna Joldaýymen tanysý barysynda kóz jetkizdik.
Elbasy bul Joldaýynda Qazaqstannyń Úshinshi jańǵyrýynyń tetigi - bes basymdyq pen keshendi úsh mindetti belgilep berdi. Sonyń ishinde, óz kásibime oraı maǵan qatty áser etkeni - ekinshi basymdyq deýge bolady. Onda bıznes-ortany túbegeıli jaqsartý jáne keńeıtý kózdelgen. Kóshbasshymyz muny odan ary aıqyndaı túsip: «Bizdiń strategııalyq maqsatymyzdyń biri - eldiń ishki jalpy ónimindegi shaǵyn jáne orta bıznestiń úlesi 2050 jylǵa qaraı kem degende 50% bolýyn qamtamasyz etý», - dep atap ótti.
Elbasy ekinshi basymdyq boıynsha jasalýy tıis qadamdardy da jiktep, jiliktep berdi. Sonyń ishinde myna bir aqpardy erekshe atap ótkim keledi. Joldaýda: «Budan bylaıǵy jerde Qazaqstan azamattary óz bıznesin júrgizý úshin aýylda da, qalada da 16 mıllıon teńgege deıin shaǵyn nesıe ala alady» dep ashyp kórsetilgen. Munyń ózi Joldaý, sózsiz el muratyn kózdep, halyq eńsesin tikteý maqsatyn ustanyp otyr degen sóz» ekenin aıtqan Ábdijappar Qystaýbaev jańa saıası qujatty qoldap, nasıhattaýǵa, júzege asyrýǵa atsalyspaq.
