Elbasy Joldaýy Nyǵmatýlınniń fınlıandııalyq áriptesimen kezdesýde áńgime ózegine aınaldy

ASTANA. QazAqparat - Májilis spıkeri Nurlan Nyǵmatýlın Fınlıandııa Parlamentiniń depýtaty - Fınlıandııa - Ortalyq Azııa dostyq tobynyń teń tóraǵasy V. Skınnarı bastaǵan delegatsııa ókilderimen kezdesti, dep habarlaıdy QazAqparat Májilistiń baspasóz qyzmetine silteme jasap.

Taraptar qazaqstandyq-fındik qatynastyń ózekti máselelerin alǵa tarta kelip, Qazaqstan Prezıdenti Nursultan Nazarbaevtyń taıaýda Qazaqstan halqyna arnaǵan kezekti Joldaýyna aıryqsha nazar aýdardy. Elbasy óz Joldaýynda memleket aldynda turǵan on basym baǵytqa toqtalǵanyn atap ótken Palata tóraǵasy ásirese, jańa tehnologııalardy engizý, tsıfrlandyrý máselesine barynsha kóńil bóldi.

N. Nyǵmatýlın fınlıandııalyq áriptesterimen atalǵan salany zańnamalyq turǵydan qamtamasyz etý jaıyn talqylady. Óıtkeni, Fınlıandııa ınnovatsııalyq damý turǵysynan aldyńǵy qatarly elderdiń biri. Sondyqtan olardyń zańnamalyq tájirıbesi qyzyǵýshylyq týdyrady. Májilis spıkeri atap ótkendeı, osy rette yntymaqtastyq jónindegi parlamenttik toptardyń róli zor.
 

Óz kezeginde mártebeli meıman Qazaqstan Prezıdenti Joldaýynyń mańyzdylyǵyn aıta kelip, ınnovatsııa, tsıfrlandyrý salalaryndaǵy  ortaq maqsattarǵa túıistiretin basym baǵyttarǵa toqtaldy. 

Kezdesý ıeleri qos memleket yntymaqtastyǵynyń strategııalyq sıpatyna mán berip, ekijaqty qarym-qatynastyń syndarly damýyna senim bildirdi.