Elbasy joldaýy bolashaqqa jol silteıdi

Osy rette tarıh ólshemimen salystyrǵanda, qas-qaǵymdaı ýaqyt - táýelsizdiktiń  jıyrma bir jylynda elimiz qol jetkizgen, joldaýda atap aıtylǵan tabystarǵa qysqasha toqtala ketken jón: «Biz shekaramyzdy zańdyq turǵydan resimdedik. Eldiń jańa elordasy - Astanany saldyq. Biz «Aldymen ekonomıka - codan soń saıasat» degen aıqyn formýlamen ilgerilep kelemiz. Etnıkalyq, mádenı jáne dinı áralýandyqqa qaramastan, elimizde beıbitshilik pen saıası turaqtylyqty saqtadyq. Qazaqstan jahandyq konfessııaaralyq únqatysý ortalyǵyna aınaldy.

Biz Táýelsiz Memleketter Dostastyǵynda birinshi bolyp jeke menshikke, erkin básekelestikke jáne ashyqtyq prıntsıpterine negiz­delgen naryqtyq ekonomıkanyń zamanaýı úlgisin jasadyq. Biz elimizge 160 mlrd dollardan astam shetel ınves­tıtsııasyn tarttyq. Strategııa - 2030 qabyldanǵannan beri 15 jyl ishinde memleketimiz álemdegi eń serpindi damýshy elder bestigine endi. Nátıjesinde, 2012 jyldyń qorytyndysy boıynsha ІJÓ-niń kólemi jaǵynan biz álemniń 50 iri ekonomıkasynyń qataryna kiremiz. 15 jyl ishinde qazaqstandyqtardyń tabysy 16 ese ósti. Tabysy kúnkóris deńgeıinen tómen azamattardyń sany 7 ese azaıdy, jumyssyzdar sany eki ese qysqardy».

 Osy jyldarda Qazaqstanda: «Bilim alýǵa teń múmkindikter jasalýda. Sońǵy 15 jylda bilim alýǵa jumsalatyn qarjy 9,5 ese ósti. Sońǵy bes jylda ana ólimi shamamen 3 ese azaıdy, bala týý kórsetkishi bir jarym ese ósti. Bizdiń adam kapıtalyn damytýdaǵy uzaqmerzimdi salymdar saıasatymyzdyń arqasynda qazirgi talantty jas urpaqty ósirdik». Álemdik saıasatta bizdiń elimiz - talassyz halyqaralyq bedelge ıe jaýapty da senimdi seriktes.

Sońǵy 2-3 jylda Qazaqstan Respýblıkasy Eýropadaǵy qaýipsizdik pen yntymaqtastyq uıymyna, Islam yntymaqtastyǵy uıymyna jáne ujymdyq qaýipsizdik uıymyna tóraǵalyq etti. Astana ekonomıkalyq forýmynda biz dıalogtyń jańa formatyn - G-global-dy usyndyq. Álemde alǵashqy bolyp Semeı ıadrolyq polıgonyn jaýyp jáne atom qarýynan bas tarta otyryp, biz qaýipsizdigimizge berik halyqaralyq kepildik aldyq.

Biz Ortalyq Azııada ıadrolyq qarýsyz aımaq qurýda negizgi ról atqardyq jáne jer sharynyń basqa da aımaqtarynda, ásirese, Taıaý Shyǵysta osyndaı aımaqtar qurýǵa belsendi qoldaý kórsetemiz. Qazir biz ıadrolyq qaterdi taratpaý jóninde odan ári tabandy sheshimder qabyldaý qajettiligi týraly batyl aıtamyz. Osyndaı jaýap­ty saıasatynyń arqasynda Qazaqstan ıadrolyq qarýdy taratpaý rejiminiń kóshbasshysy, basqa memleketter úshin úlgi bolyp tanyldy». Memleket basshysy Joldaýda osydan dál 15 jyl buryn qabyldanǵan Qazaqstannyń 2030 jylǵa deıingi damý strategııasynyń merziminen buryn oryndalǵandyǵyn atap ótti.

Onyń basty qorytyndylary: «Bolashaqta kez kelgen aýmaqtyq daýlardyń týyndaý qaýpi qazir seıilgen. Biz urpaqtarymyzǵa kórshilermen daýly aýmaqtar qaldyrǵan joqpyz. Biz adamnyń, qoǵam men memlekettiń qaýipsizdigin qamtamasyz etetin kúshti, zamanaýı, qorǵanysqa qabiletti áskerdi, pármendi quqyq qorǵaý júıesin qurdyq. Bizde kóppartııaly Parlament, parlamenttik kópshilik qoldaǵan Úkimet bar. Azamattyq qoǵam damýda, táýelsiz BAQ jumys isteýde.

Túrli baǵyttaǵy 18 myńnan astam úkimettik emes uıymdar jumys isteıdi. 2,5 myńdaı BAQ bar, onyń 90%-y - jeke ıelikte. Qazaqstan búginde mádenıetaralyq jáne konfessııaaralyq únqatysýdyń halyqaralyq ortalyǵyna aınaldy. Álemdik jáne dástúrli dinderdiń alǵashqy tórt sezi naq bizdiń elimizde ótti.

Elbasy Joldaýynda bizdiń kópultty jáne kópkonfessııaly qoǵamymyz tabysynyń negizi - jańa qazaqstandyq patrıotızm ekendigi aıtyldy. Sońǵy ýaqytta halqymyz úshin dástúrli emes dinı jáne jalǵan dinı aǵymdar máselesi ótkir turǵany belgili. Bizde senim bostandyǵy bar, biraq soqyr fanatızm bizdiń beıbitsúıgish halqymyzdyń psıhologııasy men diline múlde jat. Mundaı ulttyq tabıǵatymyzǵa jat keleńsizdikterden boıymyzdy aýlaq salýymyz kerek. Sondyqtan biz áleýmettik, etnostyq jáne dinı shıelenisterdiń aldyn alý, dástúrli emes sektalar men kúmándi jalǵan dinı aǵymdardyń is-áreketine tyıym salatyn is-sharalar josparyn jasaýymyz kerek.

Osy baǵyttaǵy memlekettik deńgeıdegi jumystardy ári qaraı damytý - el irgesin nyǵaıtyp, damyǵan elder kóshine ilesýge serpin beredi dep senemiz.