Elbasy Joldaýy bolashaqqa bastaıdy
ASTANA. QazAqparat - Memleket basshysy N.Nazarbaevtyń bıylǵy «Qazaqstannyń úshinshi jańǵyrýy: jahandyq básekege qabilettilik» atty Joldaýy da qazirgi jahandyq syn-qaterlermen kúres jospary ǵana emes, sondaı-aq bolashaqqa, «Qazaqstan-2050» strategııasy maqsattaryna bastaıtyn basty jol ekendigi anyq. Birinshi jańǵyrý Qazaqstannyń táýelsizdik alǵan alǵashqy qıyn-qystaý kezeńderimen tuspa-tus keldi.
Ol jyldary josparly ekonomıkadan naryqtyq ekonomıkaǵa batyl qadam jasalyp, az shyǵynmen zor jetistikterge qol jetkizdik. Al ekinshi jańǵyrý tusynda elordamyz Astanaǵa kóshirilip, «Qazaqstan-2030» strategııasy qabyldandy. Bul jyldary da memleketimiz eleýli tabystarǵa jetip, álemniń básekege qabiletti 50 eliniń qataryna endi.
Úshinshi jańǵyrýdaǵy birinshi basymdyq - ekonomıkanyń jedeldetilgen tehnologııalyq jańǵyrtylýy. Sonyń negizinde «Tsıfrlyq Qazaqstan» baǵdarlamasyn qabyldaý tapsyrylyp, 3D-prıntıng, onlaın-saýda, mobıldi bankıng, tsıfrlyq qyzmet kórsetý sekildi densaýlyq saqtaý, bilim berý isinde qoldanylatyn jáne basqa da perspektıvaly salalardy damytý júıesin engizýdiń basymdyqtary eskerildi. Bul zaman talabyna sáıkes, jahandanýdyń jarqyn úlgisi bolyp, mekemelerdegi jumys barysyn jedeldetýmen qatar sapasyn arttyrýǵa arnalady.
Elbasy ekinshi basymdyqta óndiris salalaryndaǵy eksporttyq ónimderdi arttyrý máselesin qozǵaǵan. ıAǵnı 2025 jylǵa qaraı eksporttyq shıkizattyq emes ónimdi 25%-ǵa arttyrý maqsaty alǵa qoıylyp, ımporttyq zattardyń paıyzdyq mólsherlemesin tómendetý arqyly dúnıejúzilik saýdaǵa keshendi úles qosýdy meńzep, jumys oryndaryn kóbeıtýdi qolǵa alýdyń mańyzy jaıynda aıtylady.
Úshinshi mańyzdy mejege taý-ken, munaı-gaz keshenderiniń jumysyn jandandyrýdy qoıyp, shıkizatty qorytý, onyń ekonomıkanyń órleýine tıgizer septigin molaıtý týraly tushymdy tapsyrmalar berilgen. Sondaı-aq jyldyń sońyna qaraı Jer qoınaýy týraly arnaıy zań qabyldaýdy qatań tapsyrdy. Árıne, tabıǵı baılyqqa baı Qazaqstannyń jer kenishterin ıgilikpen ıgerý memleketimizdiń damý jolyn aıqyndap, biryńǵaı qalypqa salyp, kózdegen maqsattarǵa jetýge ıgi áser etse kerek.
Agrarlyq sektordy ekonomıkanyń jańa draıverine aınaldyrý jónindegi naqty qadamdar búginde aýylsharýashylyq salasy mamandarynyń arasynda qyzý talqyǵa salynyp, qarqyndy jumystar júrgizilýde. Qazaqstan álemde iri agrarlyq eksporttyq ónim óndirýshileriniń birine aınalýy tıis. Ol úshin memleket basshysy tapsyrmasymen «Made in Kazakhstan» brendimen ekologııalyq taza ónimder shyǵarý maqsatynda jer-jerlerde kórmeler uıymdastyrylyp, taza ónim sapasyn arttyrý qolǵa alynýda.
Joldaýda adamı kapıtal sapasyn jaqsartý basymdyǵy atap kórsetilgen bolatyn. Munda bilimniń sapasyn arttyrý jáne qala men aýyldyń bilim berý júıesi alshaqtyǵyn boldyrmaý týraly másele qozǵalady. Álemdegi aqparattyń 90%-y aǵylshyn tilinde taraıtyndyqtan, joǵary synyptarda barlyq negizgi pánderdi aǵylshyn tiline aýystyrýdyń máni men mańyzy týraly tereń túsindiriledi. Sondaı-aq Joldaýǵa sáıkes arnaıy bilim almaǵan eresekterge kásiptik tegin bilim berý múmkindigi jasalýda. Árıne, ony paıdalaný ár azamattyń óz quzyrynda ekendigi belgili. Demek, jumyssyz qalǵan azamattarǵa qosymsha tegin bilim alý arqyly jańa mamandyq ıgerýge jol ashylady degen sóz.
Iá, Elbasynyń ár jylǵy Joldaýlary memleketimizdiń bolashaqqa qaraı baǵytynyń túzý bolýyna negizdelgen negizgi nusqaýshy qujat. Al ondaǵy tapsyrmalar ár azamattyń kelesheginiń kemel de jarqyn bolýyna barlyq múmkindikterdi týdyratyny aıqyn.
