Elbasy Joldaýy aıqyn maqsat, anyq baǵdar berip otyr
ASTANA. Aqpannyń 3-i. QazAqparat - Búgin QR Parlamenti Májilisindegi «Jańa Qazaqstan» depýtattyq tobynyń kezekten tys basqosýynda Memleket basshysy Nursultan Nazarbaevtyń Qazaqstan halqyna jasaǵan Joldaýyna qatysty másele qozǵaldy,
dep habarlaıdy QazAqparat.
Osy depýtattyq toptyń jetekshisi Qaırat Sádýaqasov: «Bul basqosýymyzdyń mańyzy zor. Elbasynyń Joldaýy «Jańa onjyldyq - jańa ekonomıkalyq órleý - Qazaqstanyń jańa múmkindikteri» dep atalǵan. Joldaý aıqyn maqsat, anyq baǵdar berip otyr. Halyqaralyq sarapshylar «Bul Joldaý N.Nazarbaevtyń nyq úsh qadamynyń biri»,- dep baǵalady. Bizder ol kisiniń alǵashqy qadamynan beri janynda bolyp, qoldap kelemiz. Endi halyq qalaýlylary aımaqtarǵa shyǵyp, elmen kezdesip, osy Joldaýdy túsindirmekpiz»,- dedi.
«Jańa Qazaqstan» depýtattyq toby jetekshisiniń sózin depýtat Valerıı Vıshnıchenko jalǵastyryp, bıylǵy Joldaýdyń Qazaqstan EQYU-ǵa tóraǵalyq etýdi bastaǵan jyldaǵy mańyzyna toqtalyp, Elbasynyń Táýelsizdikten beri qaraıǵy on tórtinshi ret jasap otyrǵan Joldaýy ekenin aıtyp ótti.
Depýtattar Rozaqul Halmuradov, Lıýdmıla Hochıeva, Oleg Dymovtar óz sózderinde barys jylynda Qazaqstan halqy Assambleıasynyń qurylǵanyna on bes jyl, Uly Otan soǵysyndaǵy Jeńiske 65 jyl tolatynyn eske alyp, alda turǵan halyqpen júzdesýlerde aıtylatyn máselelerge toqtaldy.
